Қоғам белсендісі Бақытжан Құрманов жақын арада берген сұхбаттарының бірінде Қуандық Бишімбаевтың қылмыстық әрекетіне қатысты пікір білдірді, деп хабарлайды “Адырна” ұлттық порталы.
Белсенді Бақытжан Құрманов “Bilgen Durys” YouTube арнасына берген сұхбатында Қуандық Бишімбаевтың әйелін өлтіруіне әкесінің берген тәрбиесі кінәлі екенін айтты:
”Бишімбаевтың кінәсі жоқ. Оны соттауға болмайды. Ол жас бала. Оны кезінде экспо қарамағында болғанда миллиардтарды алды деп айыптады. Бұған да оны кінәлауға болмайды. Ол ұясында не көрді, ұшқанда соны көрсетті. Басқа ештеңе істеген жоқ. Бишімбаевтың әкесін соттау керек. Бишімбаевты сондай деңгейге жеткізгендерді жазалау керек” деді ол.
Ол Бишімбаевтың жазасын толық өтемейтінін атап өтті.
“Өзіңнің сүйіп алған әйеліңді қиянатпен өлтіруге 6-ақ жыл алу деген… Ол ертең 3 ақ жылдан кейін шығады. Әділдік қайда?” деп қосты Бақытжан мырза.
