Бүгін, 3 мамыр күні Астана сотында өткен жарыссөзде бұрынғы ұлттық экономика министрі Қуандық Бишімбаевтың анасы — қылмыстық іс бойынша қоғамдық қорғаушы Альмира Нұрлыбекова сөз сөйледі, деп хабарлайды «Адырна» тілшісі.
«Болған жағдай үшін Салтанаттың отбасынан кешірім сұраймыз. Қуандық трагедияға айналған әрекет жасады. Жәбірленуші тарап ұлымды қоғам паразиті, «Ескі Қазақстанның» адамы деп атады. Қорғаушылар Қазақстанды соңғы 30 жылда басқарған барлық шенеунік үшін оның жазаға тартылуы керек екенін мәлімдеді. Қоғамның барлық күнәсі мен қиындығын бір адамға, менің ұлыма артпауды сұраймын. Мен ұлыма әділ болып, аяушылық танытуды өтінемін. Өмірімнің соңына дейін тәрбие беруде қай жерде қателескенімді саралайтын боламын»,—деді экс-министрдің анасы.
