"Қазақстан халқына" бір күндік жалақыны аударуды тоқтату керек - Олжас Құдайбергенов

3029

Қазақстан халқына" қоғамдық қорының қамқоршылық кеңесінің мүшесі, қазақстандық экономист Олжас Құдайбергенов қорға бір күндік жалақыны аудару үрдісіне қатысты пікір білдірді. Ол өзінің Facebook-парақшасында бұл тәжірибені тоқтату керек екенін айтты,  деп хабарлайды "Адырна" ұлттық порталы.

Экономист халық "Қазақстан халқына" қорына ақша аудармай, керісінше алу керек екенін айтты.

- Мемлекеттік қызметшілер немесе жеке компаниялар бір күндік жалақысын аударатын үрдіс байқалады (қорға - еск.). Бұл қор мүлде бұл мақсатқа арналмаған. (...) Қор бір кездері салықтан жалтарып, ақшасын шетелге шығарып, енді азаматтық санасын көрсетуге дайындар үшін. Сондай-ақ, бай адамдар мен заңды кірісі бар компаниялар да аудара алады. Мүмкін басқа да табыс көздері табылар. Аз ақша аударғысы келсе, тіпті қарапайым адамдар да жасай алатыны анық. Бірақ бір күндік жалақыны аудару үрдісін тоқтату керек, - деп бөлісті Олжас Құдайбрегенов.

Естеріңізге сала кетейік, 11 қаңтарда Мәжілісте сөйлеген сөзінде Президент Қасым-Жомарт Тоқаев "Қазақстан халқына" қоғамдық әлеуметтік қорын құруды тапсырған болатын. 16 қаңтарда "Қазақстан халқына" қорының Қамқоршылық кеңесі сайланды.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket