Qaşyqtan oqytu jäne jaŋa tyiymdar: Nūr-Sūltanda karantin küşeitıldı

Bügınnen bastap Nūr-Sūltanda qataŋ karantindık şekteuler engızılude. Būl turaly elordanyŋ bas sanitarlyq därıgerı Sarhat Beisenova aitty, - dep habarlaidy "Adyrna" ūlttyq portaly.  Beisenova qalada asa jūqpaly omikron ştammynyŋ taraluy qataŋ şekteu jäne karantindık şaralardy engızu qajet ekenın aitty. «Bügınnen bastap men qol qoiǧan jarlyqqa säikes, Qazaqstannyŋ bas sanitarlyq därıgerınıŋ qaulysyna säikes «qyzyl» aimaq boiynşa şekteulerden basqa, elordada:

• aşyq auada da, üi-jaida da būqaralyq ıs-şaralardy, onyŋ ışınde otbasylyq, eske alu ıs-şaralaryn, onyŋ ışınde üide 30 adamǧa deiın (Ashyq jobasyna qatysatyn obektılerde eske alu şaralaryn ötkızudı qospaǧanda) ötkızuge;
• Ashyq jobasyna qatysuyna qaramastan, konserttık zaldardyŋ, filarmoniialardyŋ, teatrlardyŋ, sirkterdıŋ, kinoteatrlardyŋ qyzmetıne tyiym salynady;
• meşıtterdıŋ, şırkeulerdıŋ jäne basqa da dıni bırlestıkterdıŋ obektılerı men aumaǧynda ūjymdyq ıs-şaralardy, jamaǧatty, dıni räsımderdı jūma namazdardy jäne basqalardy ötkızuge;
• konferensiialar, seminarlar, körmeler, forumdar ötkızuge;
• tüngı klubtardyŋ qyzmetı, karaoke, qoǧamdyq tamaqtanu oryndaryndaǧy qyzmet körsetuge tyiym salynady», - dedı Beisenova brifingte. Ol sonymen qatar tamaqtanu oryndaryna keluşıler sanyn azaitudy şeştı - endı bır üstelge 4 adamǧa deiın otyra alady.

«Bılım beru ortalyqtarynyŋ, balalar men eresekterge arnalǧan üiırmelerdıŋ, balalardy damytu ortalyqtarynyŋ, balalar men eresekterge arnalǧan tüzetu ortalyqtarynyŋ jūmysyn onlain formatqa köşıru. 2022 jylǧy 31 qaŋtarǧa deiın memlekettık organdar men ūiymdardyŋ, ūlttyq kompaniialardyŋ, käsıporyndardyŋ äkımşılık personalynyŋ kemınde 80 paiyzyn, qyzmetkerlerdı COVID-19-ǧa qarsy vaksinasiialauǧa qaramastan, qaşyqtan jūmysqa auystyru, mektep oquşylaryn, Qazaqstan Respublikasynyŋ kolledjderı men JOO studentterın de, barlyq kurstar – 2022 jyldyŋ 6 aqpanyna deiın qaşyqtan oqytu formatyna köşırıledı», - dep şeştı Sarhat Beisenova.

"Adyrna" ūlttyq portaly