Almatydaǵy tártipsizdikter kezinde Jańaózen qalasynyń turǵyny Islam Tórebek qaıtys boldy. Ol Almaty energetıka jáne baılanys ýnıversıtetiniń 5-kýrs stýdenti, dep habarlaıdy ”Adyrna” ulttyq portaly Lada.kz saıtyna silteme jasap.
Qaıtys bolǵan jas jigittiń anasy Quralaı Balhaeva qaıǵyly oqıǵa 6 qańtarda oryn alǵanyn málimdedi.
– Jappaı tártipsizdik kezinde Islam úıinen shyqpady. Al 6 qańtar kúni ınternet joq boldy, ol atys oryn alyp jatqanynan beıhabar edi. Sol kúni azyq-túlik alýǵa dalaǵa shyqqan. Oq jaýyp, qaıtys bolady, – deıdi Quralaı Balhaeva.
Islam Tórebek №19 mektepti bitirgen soń Almaty energetıka jáne baılanys ýnıversıtetine oqýǵa tústi. Bıyl ol kandıdattyq dıssertaııasyna daıyndalǵan. Ol 2022 jyldyń naýryz aıynda 22 jasqa tolar edi.
Anasynyń aıtýynsha, marqum Islam Tórebektiń denesi 11 qańtarda Almatydan Mańǵystaýǵa jetkizilýi kerek. Jerleý 12 qańtarda Jańaózen qalasynda ótedi.
”Adyrna” ulttyq portaly
