Qazirgi tańda Aqtóbe oblysynda ahýal turaqty. Oblysta keshki saǵat 23.00-den tańǵy 7.00-ge deıin komendanttyq saǵat engizildi. Oblys aýmaǵyndaǵy barlyq avtojoldarǵa 10 blok-beket qoıyldy. Qazir blok-beketterde polıııa jáne qorǵanys qyzmetkerleri jumys istep tur dep habarlaıdy "Adyrna" ulttyq portalynyń tilshisi.
Kirip-shyǵyp jatqan jolaýshylardan tyıym salynǵan zattardyń bar-joǵy tekserilýde. Al blok-beketterde tynyshtyqty saqtap turǵan áskerılerge jergilikti atqarýshy organdar ystyq tamaq jetkizýde.
Aıta ketý kerek, buǵan deıin Aqtóbede komendanttyq saǵat tártibin buzǵan 400-ge jýyq, sherý kezinde tártipsizdik uıymdastyrǵan 11 adam ustalsa, ótken táýlikte 89 turǵyn polıııa bólimine jetkizilgen. Olardyń ishinde 32 adamǵa ákimshilik jaza qoldanylǵan.
Jalpy Aqtóbe qalasynda bolǵan tártipsizdik saldarynan 14 polıeı zardap shekken. Onyń ekeýi búginde aýrýhanada jatyr.
Jedel medıınalyq járdem aýrýhanasynyń bas dárigeri Sáken Qapanovtyń aıtýynsha, atalǵan aýrýhanaǵa medıınalyq kómek alýǵa 50-den astam adam júgingen. Onyń 15-i aýrýhanaǵa jatqyzylǵan. Olardyń qatarynda áskerıler men polıııa qyzmetkerleri bar.
Jalpy oblys boıynsha tártipsizdikter kezinde densaýlyǵyna zaqym kelgen azamattar týraly naqty aqparat joq.
"Adyrna" ulttyq portaly.
