Ózbek ǵalymdary endi Abaı murasyn zertteýmen aınalysady. Ózbekstannyń ekinshi Prezıdenti Shavkat Mırzıeev pármen berip, Jarlyq shyǵarypty.
13-naýryz kúni Ózbekstan Prezıdenti Shavkat Mırzıeev Abaı Qunanbaıulynyń murasyn zertteýge jáne halyq arasynda keńinen nasıhattaýǵa baılanysty qujatqa qol qoıdy. Qujattyń basty maqsaty - Qazaqstan men Ózbekstan arasyndaǵy mádenı-gýmanıtarlyq qarym-qatynasty damytý jáne ózbek jastaryn qazaq ádebıetimen tanystyrý.
Ózbekstan Respýblıkasy Prezıdentiniń 2018 jyldyń 13-naýryzy kúngi №PJ-3598 Jarlyǵynyń negizgi mazmuny mynadaı:
Uly aqyn, oıshyl Abaı Qunanbaıulynyń esimi ám onyń shyǵarmashylyq baı murasy – gýmanızm men izgiliktiń eń joǵarǵy ıdealy. Ol tek qazaq halqyna ǵana emes, búkil túrki jurtyna, sonyń ishinde bizdiń ózbek halqy úshin de óshpes iz, baı rýhanı mura qaldyrdy.
Abaı Qunanbaıulynyń bar ómiri men shyǵarmashylyǵy Otanǵa qaltqysyz adal qyzmet etýdiń, onyń ulttyq qundylyqtaryn súıýdiń jarqyn úlgisi.
Qazaqstan men Ózbekstan arasyndaǵy baılanys búgingideı jańa beleske shyqqan ýaqytta, Abaı Qunanbaıuly sekildi tulǵalardyń óshpes muralaryn nasıhattaý, zertteý biz úshin mańyzdy bolmaq.
Eki eldiń arasyndaǵy týystyq qarym-qatynasty nyǵaıtý jáne mádenı-gýmanıtaryq baılanysty arttyrý, sondaı-aq, Ózbekstan qoǵamyn, ásirese, jas býyndy qazaq ádebıetimen jaqyn tanystyrý maqsatynda:
1.Mádenıet mınıstrligine, Orta jáne joǵarǵy áleýmettik bilim mınıstrligine, Ulttyq bilim mınıstrligine, Syrtqy ister mınıstrligine, Ózbekstannyń baspa isi jáne aqparat agenttigine, Ózbekstannyń Jazýshylar odaǵyna, Ǵylym akademııasyna, Dinı basqarmasyna, Mınıstrler kabıneti janyndaǵy Halyqaralyq qatynastar komıtetine jáne azamattyq qoǵam ókilderine - Abaı Qunanbaıulynyń murasyn zertteý jáne halyq arasynda keńinen nasıhattaý týraly qabyldanǵan qujat negizinde jumys jasaýǵa;
2.Qujat negizinde Uly aqyn, ári oıshyl Abaı Qunanbaıulynyń murasyn zertteý jáne halyq arasynda keńinen nasıhattaý isi boıynsha Uıymdastyrý komıtetiniń quramyn bekitýge;
3.Uıymdastyrý komıtetine 1 aıdyń ishinde tıisti sharalardyń josparyn ázirleýge;
Onyń ishinde:
-Abaı Qunanbaıulynyń shyǵarmalar jınaǵyn baspaǵa ázirleýge jáne jaryqqa shyǵarýǵa, «Qazaq-ózbek ádebı baılanysy» ádebı-saraptamalyq maqalalar jınaǵyn shyǵarýǵa;
-Tashkenttegi «Nızamı» atyndaǵy Memlekettik pedagogıkalyq ýnıversıtetinde «Abaı jáne ózbek ádebıeti» ekspozıııasyn uıymdastyrýǵa;
-Jyl saıyn aqynnyń týǵan kúninde, ıaǵnı 10-tamyz kúni Tashkenttegi Abaı eskertkishi aldynda saltanatty is-shara ótkizýge;
-Jyl saıyn Ózbekstan JOO stýdentteri arasynda «Abaı shyǵarmalarynyń bilgiri» atty konkýrs ótkizýge;
-Aqynnyń ómiri men shyǵarmashylyǵy jaıynda BAQ-ta, sonyń ishinde gázet-jýrnaldar men tele-radıolarda arnaıy materıaldar ázirlep, jarııalaýǵa;
-Ózbekstannyń Ulttyq teleradıokompanııasyna Abaı Qunanbaıulynyń ómiri men shyǵarmashylyǵy jaıly derekti fılm ázirleýge jáne nasıhattaýǵa;
-Jalpy bilim berý mekemelerinde, mamandandyrylǵan bilim oshaqtarynda, mektepter men JOO-da, áskerı bólimshelerde, eńbek kollektıvterinde t.b. qalamgerlermen kezdesýler ótkizip, Abaı murasy jóninde keńinen nasıhat júrgizýge;
4.Ózbekstannyń Ulttyq aqparat agenttigine, Ózbekstannyń Ulttyq teleradıokompanııasyna, «Jahon» aqparattyq agenttigine jáne ózge de buqaralyq aqparat quraldaryna osy Jarlyqty negizge ala otyryp aýqymdy jumystar júrgizýge;
5.Atalǵan Jarlyqtyń oryndalýyn qadaǵalaýdy Ózbekstan Respýblıkasy Premer-mınıstri A.Arıpovke jáne Ózbekstan Respýblıkasy Prezıdentiniń Memlekettik keńesshisi H.Sultanovqa tapsyramyn!
Abai.kz
