QR Ortalyq memlekettik arhıv qorynyń qyzmetkerleri bir kúndik jalaqylaryn búlik shyǵynyn jabýǵa aýdarmaq. Bul týraly memlekettik mekemeniń dırektory Sábıt Shildebaı málimdedi, dep habarlaıdy «Adyrna» tilshisi.
«Men QR OMA dırektory retinde 7 qańtar kúni bir kúndik jalaqymyzdy jappaı tártipsizdikter kezinde kelgen shyǵyndy jabý úshin memleketke aýdarý jóninde ujymǵa úndeý tastadym. Az jalaqy alatyn arhıvshiler bir kisideı qoldaý bildirdi. Al men ózimniń bir aılyq jalaqymdy túgeldeı aýdarý jóninde sheshim qabyldadym. Biz bul sheshimimiz jóninde 8 qańtar kúni Qazaqstan Respýblıkasy Mádenıet jáne sport mınıstrligi Arhıv isteri jáne qujattamany basqarý komıteti basshylyǵyna habarladyq»,– dedi ol.
«Adyrna» ulttyq portaly
