Úkimet qaıtadan jasaqtalady, aýys-túıis bolatyny sózsiz - Berik Ýálı

9001

11 qańtarda aýys-túıis bolatyny sózsiz. QR Prezıdentiniń baspasóz hatshysy Berik Ýálı «Habar 24» telearnasyna bergen suhbatynda osyndaı pikir bildirdi, dep habarlaıdy "Adyrna" ulttyq portaly baq.kz-ke silteme jasap.

«Prezıdent onyń anonsyn ózi jasady, bilesizder. 11-i kúnin kúteıik. Prezıdenttiń aldyna túsip, sheshimderin aıtýǵa meniń quqyǵym joq», - degen Memleket basshysynyń hatshysy bul kúni aýys-túıis bolatynyn rastady.

Prezıdent Úkimetti otstavkaǵa jibergenin bilesizder. Barlyq mınıstrler qazir mindetin atqarýshy. Qaıtadan taǵaıyndalady. Sol kezde kimdi qaldyratynyn, kimdi aýystyratynyn Prezıdent ózi biledi. Úkimet qaıtadan jasaqtalady. Aýys-túıis bolatyny sózsiz, aıqyn, ras. Qazir bizdiń halyq aýys-túıis kútedi. Biraq qazirgi tańdaǵy basty maqsat – turaqtylyqty qamtamasyz etý, azamattarymyzdy turmysyn burynǵy qalypty jaǵdaıyna oraltý. Sol baǵytta qazir quqyq qorǵaý organdary jantalasa jumys istep jatyr, - dedi Berik Ýálı.

Osy suhbatta Berik Ýálı Ujymdyq qaýipsizdik týraly shart uıymynyń ásker bir aptanyń aınalasynda elderine qaıtatynyn aıty.

Ujymdyq qaýipsizdik týraly shart uıymynan kirgen kúshtiń negizgi mıssııasy - elimizde strategııalyq nysandardy kúzetý. Taǵy qaıtalap aıtamyn, strategııalyq nysandardy Ujymdyq qaýipsizdik týraly shart uıymynyń áskeri qorǵaǵandyqtan, bizdiń qarýly kúshterimizdiń, Ulttyq ulannyń áskerleri terrorıster kóp shoǵyrlanǵan Almaty qalasy, Almaty oblysy jáne basqa da óńirlerde solardyń kózin joıýǵa erkin múmkindik aldy. Iaǵnı, bizdiń strategııalyq nysandardy Ujymdyq qaýipsizdik týraly shart uıymynyń áskeri qorǵaıdy da, ózimizdiń áskerıler barlyq terrorısterdiń kózin joıýǵa árekettendi. Bul bizge úlken kómek boldy, - degen Memleket basshysynyń baspasóz hatshysy jalpy jaǵdaı turaqtalǵan soń, UQShU elderi áskerleriniń mıssııasy aıaqtalatynyn atady.

Olardyń eshqaısysy qalmaıdy. Birden óz elderine ketedi. Ujymdyq qaýipsizdik týraly shart uıymy degen jalǵyz Reseı ǵana emes, ózderińiz bilesizder. Bıyl tóraǵalyq etip otyrǵan Armenııa bar, Belarýs, Tájikstan bar. Bul áskerdiń bári kóp turaqtamaıdy. Ary ketse bir apta kóleminde ketedi. Múmkin, oǵan da jetpeıdi. Bári qaıtarylady. Onyń ústine qazir bilip otyrsyzdar, jaǵdaı turaqtalyp kele jatyr, - dedi Berik Ýálı.

Baspasóz hatshysy QR Prezıdenti Q.Toqaevtyń «non-stop» rejıminde jumys istep jatqanyn aıtty.

Prezıdenttiń sheshimderi men úndeýleri boıynsha blogosferada ártúrli sıpattaǵy túsindirmeler kóbeıip ketkeni ras. Osyǵan baılanysty arnaıy málimdeme jasaý qajet dep sanadym. Sebebi Qasym-Jomart Toqaev memleketimizdegi eń joǵarǵy laýazymdy tulǵa jáne Qaýipsizdik keńesiniń Tóraǵasy. Sondyqtan Memleket basshysy derbes sheshim qabyldaıdy. Konstıtýııalyq qurylymǵa nuqsan keltirýdi kózdegen sodyrlardyń Qazaqstanǵa shabýyl jasaǵan qaıǵyly kúnderde de sondaı sheshimder qabyldaǵan. Qasym-Jomart Kemeluly otandastarymyzǵa arnaǵan óziniń úndeýlerin keńesshileriniń kómeginsiz, ádettegideı ózi jazdy. Bastan-aıaq ózi redakııalady. Osy sátti paıdalana otyryp, taǵy da aıtqym keledi, Memleket basshysynyń jumysy týraly aqparatty taratyp, túsindirýge Prezıdenttiń baspasóz hatshysynan basqa eshkimniń qatysy joq. Iaǵnı, men ǵana bul týraly naqty, resmı aqparat tarata alamyn, - dedi Berik Ýálı «Habar 24» telearnasynyń efırinde.

Sondaı-aq ol Prezıdenttiń barsha jumysty Aqordada atqaryp otyrǵanyn atap ótti.

Prezıdentimiz Qasym-Jomart Kemeluly Toqaev Mańǵystaýda bastalyp, 4 qańtarda aýqymy keńeıip, sońy terrorlyq shabýylǵa ulasyp ketken sátten bastap, osy oqıǵalardyń bárin Aqordadan qadaǵalap, jumys istep otyr. Memleket basshysynyń kúni-túni «non-stop» rejıminde jumys istep, eldegi jaǵdaıdy tolyq baqylaýda ustap otyr dep aıtýǵa bolady. Ony ózderińiz de kórip, bilip otyrsyzdar, - dedi Prezıdenttiń baspasóz hatshysy.

"Adyrna" ulttyq portaly

Pikirler
Redakııa tańdaýy