​Almatyda qalanyń basty alańdary jabylyp, ortalyqta mobıldi ınternet buǵattaldy

10401

Almatyda dúısenbi kúni tústen keıin qalanyń ortalyq alańdary – Respýblıka men Astanaǵa aparatyn joldar men ótkelder jabyldy. Alańdardyń ózderi ǵana emes, sonymen qatar kórshiles kósheler, sonyń ishinde Abaı dańǵylynan Joldasbekov kóshesine deıin, sondaı-aq Tóle bı kóshesi Nazarbaev dańǵylynan Jeltoqsan kóshesine deıin jabyldy. Qalada polıııanyń edáýir kúsheıýi baıqalady, dep habarlaıdy "Adyrna" ulttyq portaly vlast.kz-ke silteme jasap. 

Polıııa kólikterdiń ótýine de, jaıaý júrginshilerdiń ótýine de kedergi jasaýda. Olar munyń eldiń batysyndaǵy oqıǵalarǵa baılanysty ekenin rastaýdan bas tartyp otyr. Quqyq qorǵaý organdarynyń qyzmetkerleri jol júrý  "tústen keıin" ashyq bolady dep sendiredi.

Sondaı-aq qala ortalyǵynda mobıldi ınternet te joq, ol Maqataevtan ál-Farabıge deıingi kóshelerde buǵattaldy.

Jeksenbi kúni Jańaózende gaz baǵasynyń qymbattaýyna narazylyq sherýleri bastaldy. Alǵashynda qala turǵyndary olardy azaıtýdy talap etip úndeý taratyp, sodan keıin júzdegen adam narazylyqtaryn bildire bastady.

Túnniń bir ýaǵynda Qazaqstan prezıdenti Qasym-Jomart Toqaev úkimetke aımaqtaǵy jaǵdaıdy jedel talqylaýdy tapsyryp, sherýshilerden zań talaptaryn saqtaýdy talap etti.

Dúısenbige qaraǵan túni Aqtaý qalasynyń birneshe júz turǵynynan turatyn top ta qala ortalyǵyndaǵy joldy jaýyp tastady. Jańaózendegi sııaqty, jınalǵandar Mańǵystaý oblysyndaǵy avtomobılshilerdiń kópshiligi janarmaı quıatyn gaz baǵasyn tómendetýdi talap etti.

"Adyrna" ulttyq portaly

Pikirler
Redakııa tańdaýy