Prezıdent «Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zańǵa din salasyndaǵy zańnamany jetildirýdi maqsat etken jańa normalar engizilgen. Sondaı-aq memlekettik tildiń rólin odan ári kúsheıtýge baǵyttalǵan ózgerister bar.
Jol belgilerindegi jazbalar, habarlandyrýlar, jarnamalar, preıskýranttar, mázirler jáne t.b. memlekettik tilde jazý, qajet bolǵan jaǵdaıda, eger Qazaqstan Respýblıkasynyń zańnamalyq aktilerinde ózgeshe jaǵdaı kózdelmese, orys jáne basqa da tilderde ornalastyrý kózdeledi.
Endi resmı qujattardy eki tilde suraýdy boldyrmaý boıynsha Zań qolǵa alynsa degen úmitim bar. Qujat aınalymy qazaq tilinde bolǵany durys.
«Memlekettik til» degen sózge mán beretin bolsaq, memlekettik til, ıaǵnı qazaq tili tek qana qazaqtardyń tili emes, osy memlekette turyp jatqan barshamyzdyń ortaq tilimiz bolý kerek. Memlekettik til dep sol úshin aıtylady. Memleket qurýshy ult tóńiregine toptasyp, bir tilde sóıleý arqyly ǵana birtutas halyq bola alamyz.
Memlekettik tildi bilýdi mindetteıtin zań kerek. Osynyń iske asýy asa mańyzdy bolyp tur.
Qýanysh Jumabekuly
PhD doktory,
«Qazaqstannyń 100 jańa esimi» jobasynyń jeńimpazy
