Semeı ákimdigi qala alańdaryna ornatý úshin satyp alǵan eki jańa shyrshanyń quny jergilikti turǵyndardy tańǵaldyrdy. Áleýmettik jelilerde taraǵan aqparat boıynsha, eki jańajyldyq aǵashqa bıýdjetten 23 mıllıon teńge jumsalǵan, dep habarlaıdy "Adyrna" ulttyq portaly Arnapress.kz saıtyna silteme jasap.
Semeılikter shyrshalar men onyń baǵasy sáıkes kelmeıtinin aıtyp jatyr.
Bul synǵa qalalyq TKSh ókilderi jaýap berdi. Olar "Oral shyrshasy" dep atalatyn jasandy aǵashtar Máskeýden satyp alynǵanyn, biriniń bıiktigi 19 metr, ekinshisi 18 metr ekenin habarlady.
Sondaı-aq, satyp alý qunyna shyrshalar ǵana emes, birqatar qosalqy shyǵyn, sonyń ishinde bezendirgishter kiretini aıtyldy.
- Shyrshalar mynadaı bólikterden turady: ortalyq alańdaǵy uzyndyǵy 200 santımetr "Juldyz"; 10 metrden 200 dana jaryqdıodty gırlıandalar; "Juldyz" oıynshyǵy - 47 santımetr, 25 dana; "Juldyz" oıynshyǵy - 36 santımetr, 220 dana; 245 juldyz tárizdi qorektendirý adapteri. Sonymen qatar, baǵaǵa Máskeýden tasymaldaý shyǵyndary, qurastyrý jáne salyqtar kiredi, - delingen TKSh bóliminiń habarlamasynda.
Esterińizge sala keteıik, birneshe kún buryn Semeıde 10,5 mıllıon teńgelik "Juldyzdy aspan" ınstallıaııasy ornatyldy. Sondaı-aq, qala boıynsha jalpy quny 20 mıllıon bıýdjettik teńge turatyn bes jańajyldyq shaǵyn sáýlet nysany ornatylmaq.
"Adyrna" ulttyq portaly
