Atyraýlyq dárigerler raqymshylyqtyń arqasynda túrmede otyrýdan qutyldy

1011

Atyraýda iPad-tyń magnıtin jutyp, aýrýhanada kóz jumǵan bir jasar balanyń ólimine qatysty oblystyq balalar aýrýhanasynyń dárigerlerine sot úkimi shyqty, dep habarlaıdy "Adyrna" ulttyq portaly "Aq Jaıyq" basylymyna silteme jasap.

№2 sottyń baspasóz qyzmetiniń málimetine súıensek, atalǵan fakti boıynsha Qazaqstan Respýblıkasy Qylmystyq kodeksiniń 317-babynyń 3-bóligimen (Medıına qyzmetkeriniń kásibı mindetterin tıisinshe oryndamaýy, adam ólimine ákep soqtyrýy) qylmystyq is qozǵaldy. Sotta anyqtalǵandaı, sol kúni kezekshilikte bolǵan hırýrgter Tileýǵalıev, Zýlqashev, Adrısov, pedıatr Tájǵalıeva balaǵa tıisti medıınalyq kómek kórsetpegendikten, ol qaıtys boldy.

Sottalýshylardyń kinási náresteniń týystary men kýágerlerdiń aıǵaqtarymen, saraptama qorytyndysymen rastaldy. Atap aıtqanda, balanyń ájesi Densaýlyq saqtaý mınıstrligine jazǵan ótinishinde dárigerlerdiń bóten zattyń deneden tabıǵı jolmen ketetinin aıtyp, ota jasaýdan bas tartqanyn aıtqan.

Tórt aıyptalýshyǵa da 2 jyl 6 aı merzimge bas bostandyǵynan aıyrý jazasy taǵaıyndaldy. Negizgi jazaǵa qosymsha jaza taǵaıyndaldy: Zulqashevqa 3 jyl, qalǵanyna 2 jyl medıınalyq qyzmetpen aınalysýǵa tyıym salyndy. Sonymen birge olardyń barlyǵy Qazaqstan Táýelsizdiginiń 30 jyldyǵyna oraı jarııalanǵan raqymshylyqqa sáıkes, "bas bostandyǵynan aıyrý túrindegi jazadan bosatyldy, óıtkeni olardyń is-áreketteri aýyr emes qylmysqa jatady".

Eske salaıyq, 2019 jyldyń jeltoqsanynda 11 aılyq náreste batareıa jutyp, qaıtys bolǵan.

 

«Adyrna» ulttyq portaly.

Pikirler
Redakııa tańdaýy