Búgin aqtóbelik qyz-kelinshekterdi, analardy quttyqtaǵan óńir basshysy Berdibek Saparbaev tilshilerdiń aldynda anasyn eske aldy. Adam úshin eń asyl qasıet anadan daryp, taraıtynyn aıtyp berdi. «Men aýyldyń balasymyn. Anam da aýyldyń qarapaıy áıeli. Meniń osyndaı bolýyma aldymen anam sebepker boldy. Anamnyń maǵan bergen tárbıesi zor. Onyń qarapaıymdylyǵy, aqkóńildiligi, júreginiń jylýy maǵan da darydy. Ońtústik Qazaqstan oblysynda jumys istep júrgende ata-anam Qyzylordada turdy. Sonda maǵan kelip turatyn. Sol kezde «balam, qandaı tamaq ishesiń» dep suraıdy. «Apa, men bir oblystyń ákimimin, áıelim bar, solar tamaq daıyndaıdy» dep aıtamyn. Birden «olar men sııaqty daıyndaı almaıdy» dep jaýap beredi. Birinshiden, adamnyń boıyndaǵy bar qasıet ananyń aq sútimen keledi. Ekinshiden, tekke, úshinshiden, janyńdaǵy joldasyńa baılanysty. Meniń joldasym da qarapaıym otbasynan shyqqan, 40 jyldan astam ýaqyt birge kelemiz. Qaıda barsam da janymda júredi. Meniń Saparbaev bolýyma osy eki asyl áıeldiń áseri bar dep aıta alamyn»,- dedi oblys ákimi Berdibek Saparbaev. 
inform.kz
