Túrki dúnıesiniń ulylary ulyqtaldy

1092

Búgin Nur-Cultan qalasynda Halyqaralyq Túrki akademııasy Qazaqstan Respýblıkasy Parlamenti Senatynyń Tóraǵasy Máýlen Áshimbaevtyń qatysýymen Túrki halyqtary ádebıetiniń klassıkteri Nızamı Gánjaýıdiń týǵanyna 880 jyl, Álisher Naýaıdyń týǵanyna 580 jyl jáne Iýnýs Emreniń dúnıeden ótkenine 700 jyl  tolýyna arnalǵan «Shyǵystyń shoqjuldyzdary» atty halyqaralyq basqosý ótkizdi.

Qazaqstan Respýblıkasynyń Ulttyq akademııalyq kitaphanasynda ótken alqaly jıynǵa Senat Tóraǵasy Máýlen Áshimbaevpen qatar, Halyqaralyq Túrki akademııasynyń prezıdenti Darhan Qydyráli,  Qazaqstan Respýblıkasy  Parlamenti Májilisiniń depýtaty Saýytbek Abdrahmanov, Ózbekstan Respýblıkasynyń Memlekettik syılyǵynyń laýreaty, aqyn, jazýshy, qoǵam qaıratkeri Muhammed-Álı Ahmedov, aqyn, Qazaqstan Respýblıkasy Memlekettik syılyǵynyń ıegeri, Sáken Seıfýllın Mýzeıiniń dırektory Nesipbek Aıtuly, aqyn, «Daryn» memlettik syılyǵynyń laýreaty Svetqalı Nurjan, Baký Ulttyq ýnıversıtetiniń professory, aýdarmashy Ramız Askerov, sonymen qatar memleket jáne qoǵam qaıratkerleri, dıplomatııalyq mıssııa basshylary, tanymal ǵalymdar men zııaly qaýym ókilderi qatysty.

Jıyndy Túrki akademııasynyń prezıdenti Darhan Qydyráli júrgizip otyrdy.

Taǵylymdy basqosýdy ashqan Máýlen Áshimbaev Qazaqstan tarapy Táýelsizdik alǵaly beri álemniń barlyq elimen tyǵyz dostyq qarym-qatynas ornatqanyn, onyń ishinde túrki ıntegraııasyn nyǵaıtýǵa úlken mán bergenin atap ótti. Óz sózinde Senat spıkeri Halyqaralyq Túrki akademııasynyń jumysyn joǵary baǵalap, rızashylyǵyn bildirdi.

«Qazirgi tańda ekonomıkalyq yntymaqtastyqty damytýdyń mańyzdy ekeni túsinikti. Sol arqyly tutas túrki keńistiginiń baılanysyn nyǵaıtyp, ál-aýqatyn arttyrýǵa múmkindik týady.Sonymen qatar, rýhanı úndestigimizdi damytýǵa da aıryqsha mán berýimiz kerek», – dedi Máýlen Áshimbaev.

Budan keıin Halyqaralyq Túrki akademııasy basyp shyǵarǵan shyǵys ádebıetiniń shoqjuldyzdary, túrki áleminiń maqtanyshtary — Nızamı Gánjaýı, Álisher Naýaı, Iýnýs Emre kitaptarynyń tanystyrylymy ótti.

Atap aıtqanda, Nızamı Gánjaýıdyń áıgili “Jeti arý” jáne “Láıli-Májnún” dastandary qazaq halqynyń Taıyr Jarokov, Qasym Amanjolov, Jaqan Syzdyqov, Dıhan Ábilov, Táken Álimqulov qatarly kórnekti aqyndarynyń aýdarmalary arqyly tolyq nusqada jarııalandy. Biregeı basylymǵa tanymal ázerbaıjandyq sýretshi Fahraddın Alı Válıoǵlynyń arnaıy salǵan týyndylary engizildi.

Sonymen qatar, Halyqaralyq Túrki akademııasynyń qoldaýymen kórnekti túrik aqyny Iýnýs Emre jyrlary qazaqstandyq tanymal aqyn Svetqalı Nurjannyń ádebı-kórkem aýdarmalary nusqasynda alǵash ret jeke jınaq retinde basylyp shyqty.

Buǵan qosa, Túrki akademııasy Álisher Naýaı jyrlarynyń ázerbaıjan tiline aýdarylǵan tolyq jınaǵyn ázirlep shyǵardy. Týyndylardy ázerbaıjan tiline aýdarǵan — azerbaıjandyq tanymal ǵalym, professor, doktor Ramız Áskerov.

Kópshilik nazaryna usynylǵan Álisher Naýaıdiń “Muhakámatýl-lýǵátáın” atty eńbegi de Akademııanyń qoldaýymen alǵash ret qazaq tiline aýdarylyp jaryq kórip otyr.

Sonymen qatar, alqaly jıyn aıasynda túrki dúnıesiniń mádenı-ádebı baılanystaryn nyǵaıtýǵa qosqan úlesteri úshin birqatar rýhanııat ókilderin marapattaý rásimi ótti.  Túrki akademııasy taǵyndaǵan “Álisher Naýaı” altyn medalimen tanymal qalamgerler Muhammed-Álı Ahmedov, Nesipbek Aıtuly, Rámız Askerov, Svetqalı Nurjan marapattalsa, tanymal ǵalym Tóráli Qydyr Túrki akademııasynyń Kúmis medaliniń ıegeri atandy.

Marapattaý rásiminen keıin sóz alǵan Ózbekstan Respýblıkasynyń Halyq Jazýshysy, Memlekettik syılyqtyń ıegeri Muhammed-Alı Ahmedov baýyrlas elder arasyndaǵy yntymaqtastyq nyǵaıyp kele jatqanyn atap ótip, Túrki akademııasynyń mańyzdy róline toqtaldy.

Ázerbaıjandaǵy Baký memlekettik ýnıversıtetiniń kafedra meńgerýshisi, doktor, professor Ramız Áskerov óz kezeginde túrki áleminiń ortaq maqtanyshtary Nızamı Gánjaýı, Álisher Naýaı jyldarynda atqarylǵan jobalar týraly atap ótti.

Qazaqstan Parlamenti Májilisiniń depýtaty Saýytbek Abdrahmanov shyǵys ádebıetiniń shoqjuldyzdary arasyndaǵy aıryqsha sabaqtastyqtarǵa toqtaldy.

Kórnekti aqyn Svetqalı Nurjan óz kezeginde túrki áleminiń oıshyl aqyndary týynydaryn baýyrlas halyqtar arasynda nasıhattalýyna qatysty oramdy oıymen bólisti.

Pikirler
Redakııa tańdaýy