Baqytgúl Hamenova tergeýdiń bitkenin túrmede kútetin boldy Tergeýdiń bitkenin aqyry túrmede kútetin boldy. Prokýrorlardyń talabynan soń, sot Baqytgúl Hamenovaǵa qatysty sheshimin qaıta ózgertti. Atyraý oblysy ákiminiń orynbasary on kún buryn ǵana úıqamaqqa aýystyrylǵan bolatyn, dep habarlaıdy “Adyrna” ulttyq portaly KTK telearnasyna silteme jasap.
Al sheshimniń ózgerýin sottaǵylar taǵylǵan aıyptyń aýyrlyǵymen túsindirdi. Onyń ústine Hamenova úıinde júrse qyzmetin, yqpaldy tamyr-tanystaryn paıdalanyp tergeýge kedergi keltirýi yqtımal dep taýypty.
Eger taǵylǵan aıyp boıynsha sheneýnik kináli dep tanylsa, 12 jylǵa deıin bas bostandyǵynan aıyrylýy múmkin. Atyraý oblysy ákiminiń orynbasary Abaı eskertkishine bólingen 145 mıllıon teńgeden aýyzbastyryq aldy degen kúdikpen eki apta buryn ustalǵan bolatyn. Onymen qosa Atyraý oblysy mádenıet basqarmasynyń basshysy da ustalǵan.
Biraq Aqylbek Rysqalıev óz kinásin birden moıyndap, tergeýshilerge kómek bergeni úshin qamaýǵa alynbady. Al Hamenova temir torǵa qaıta qamalǵanymen, qyzmetinen áli resmı túrde bosatylmapty.
Erjan Tólek, Atyraý oblysy ákiminiń baspasóz hatshysy:
- Ótken joly aıtqanymdaı, qazir sottan eshqandaı sheshim kelgen joq. Qazir tergeý ızolıatorynda jatqanyn ózderińiz bilesizder. Sondyqtan jalaqy júrmeıdi, jumysta bolmaýyna baılanysty. Oǵan qarasty basqarmalar qazir ákimniń ózge orynbasarlaryna bólinip berildi. Qazir sol kisiler jaýapty.
“Adyrna” ulttyq portaly
