Reseıde túrki qaýymdastyqtarynyń ómiri týraly derekti fılm túsirip júrgen túrik basylymynyń eki redaktory — Nazgúl Kenjetaı men Emın Karachak qamaýǵa alyndy dep habarlaıdy "Adyrna" ulttyq portaly "Anadolu" agenttigine silteme jasap.
Olardy ekstremızmge qarsy is-qımyl bóliminiń qyzmetkerleri ustaǵan. Jýrnalısterdiń zattary tárkilendi. Olar túsirgen barlyq materıaldar joıylǵan, al ekeýi de Abakandaǵy ýaqytsha ustaý pýnktinde jaqyn ýaqyttaǵy deportaııaǵa daıyndalyp jatyr.
Kenjetaıdyń aıtýynsha, ony Krasnoıarsk arqyly Qazaqstanǵa, al áriptesin Túrkııaǵa jiberý kerek. Alaıda Kenjetaı men Karachak bılik qamaýda ustaý merzimin uzartý úshin olardy shyǵarý proesin keshiktirip jatyr dep habarlaıdy. Jýrnalısterdiń aıtýynsha, Abakandaǵy kameralarynda jylý men ystyq sý joq. Olar kúnine eki ret qana taza aýamen tynystaýǵa shyǵa alady. Al telefondary únemi baqylaýda. Sondaı-aq kameralarda táýlik boıy beınebaqylaý júrgiziledi. Bul ustalǵandardyń quqyqtaryn buzady.
"IslamNews" aqparaty boıynsha, Kenjetaı – Túrik ýnıversıtetiniń jýrnalıstıka fakýltetin bitirgen Túrkııada turatyn Qazaqstan azamaty. Ol Taıaý Shyǵystyń ystyq núktelerinen fotoreportajdar toptamasy úshin «Qazaqstannyń 100 jańa esimi» ulttyq jobasyna endi. Emın Karachakpen birge Hakasııaǵa barar aldynda Iakýtııa, Býrıatııa jáne Altaıdaǵy túrki halyqtarynyń ómiri týraly birneshe sıýjet túsirgen. Sonymen qatar Irkýtsk oblysyndaǵy tofa halqymen de jolyqqan.
Al "Sıbır.Realıı" basylymy habarlaǵandaı, 17 jeltoqsan kúni Abakan qalalyq soty Kenjetaı men Qarachakty sheteldik azamattyń Reseıge kirý erejelerin birneshe ret buzǵany úshin kináli dep tapty. Sotty qoldaǵan IIM nusqasy boıynsha, blogerler BAQ-qa vıdeo túsirgen, biraq Hakasııada akkredıtaııasyz jumys istedi: bul úshin olarǵa 5 myń rýbl aıyppul salyndy. Buǵan deıin Kenjetaı men onyń seriktesine Iakýtııada osyǵan uqsas bap boıynsha aıyppul salynǵan bolatyn.
Túrik memlekettik agenttigi reseılik BAQ-ta: "Kenjetaı men Karachaktyń Reseıge qarsy úgit-nasıhat júrgizip, tyńshylyqpen aınalysqany, túrki halyqtarynyń Reseı basshylyǵymen qıyn jaǵdaıda ómir súrip jatqanyn jáne Islamdy taratqany týraly negizsiz málimdemeleri bar materıaldar jarııalandy" dep atap ótti.
Alaıda Hakasııadaǵy túrikter jýrnalısterdiń aýyr jaǵdaıyn bilip, Kenjetaı men Qarachakqa tamaq pen sý aparǵan.
"Adyrna" ulttyq portaly
