2022 jyl COVID-19 pandemııasy aıaqtalatyn jyl bolýy kerek. Bul týraly Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs málimdedi, - dep habarlaıdy “Adyrna” ulttyq portaly Tengrinews.kz saıtyna silteme jasap.
"Meniń oıymsha, eki jyldan keıin vırýsty jaqsy bilemiz, bizde jaqsy qural bar. Úmit bar. Sondyqtan málimdememde pandemııany 2022 jyly aıaqtaýymyz kerek ekenin aıttym", - dedi ol sársenbide ótken brıfıngte.
DDSU basshysynyń aıtýynsha, qazir eń basty másele - vakına men densaýlyq saqtaýdaǵy basqa sharalardy qosa alǵanda, qolda bar tıimdi quraldardy qoldaný, vakına taralýyndaǵy teńsizdikti joıý.
Sonymen qatar, DDSU densaýlyq saqtaý salasyndaǵy tótenshe jaǵdaılar baǵdarlamasynyń dırektory Maıkl Raıan álem pandemııanyń sońyna áli kelmegenin, biraq ony jeńýge múmkindik bar ekenin aıtty.
"Meniń oıymsha, pandemııanyń sońyna kelmedik, tipti onyń aıaqtalatyn ýaqyty da jaqyn emes. Biraq ǵylymnyń arqasynda jaqsy quraldar bar. Vırýsqa qarsy qalaı áreket etý kerek ekenin jaqsy bilemiz. Biraq elder arasynda jan-jaqty jáne turaqty baǵdarlamalardy (vırýspen kúresý) engizýge áli de ujymdyq jospar joq", - dedi ol.
Dál osy brıfıngte DDSU tótenshe jaǵdaılar bólimi tehnıkalyq tobynyń jetekshisi Marııa Van Kerkhov vırýs belgili bir ýaqytta maýsymdyq qubylys bolýy úshin mýtaııany, jaǵdaıǵa beıimdelip, damı beretinin aıtty.
"Meniń oıymsha, bul jerde vırýs endemıkalyq sıpatta bola ma degen suraq týyndamaıdy. Árıne, ol osy jolda. Biraq endemıkalyq sıpatta bolýy qaýipsiz degendi bildirmeıdi. Endemııalyq jaǵdaıda onyń taralý deńgeıi tómen, geografııalyq turǵydan shekteýli bolatynyn kóremiz, qorǵalmaǵan turǵyndar arasynda da indetti baıqaımyz. Meniń oıymsha, osy baǵytta kele jatyrmyz. Biraq pandemııanyń ortasyndamyz, álemniń jartysynda pandemııa bolsa, endemııalyq jaǵdaıǵa óte almaımyz. Bizdi uzaq jol kútip turǵan sekildi", - dedi Van Kerkhoven.
Buǵan deıin DDSU Eýropalyq aımaq bıýrosynyń basshysy Hans Klýge omıkron shtamyna baılanysty Eýropa elderindegi epıdemııalyq jaǵdaı nasharlaıtynyn eskertken bolatyn. Sonymen qatar, Franııada vırýs juqtyrǵandar sany táýligine 100 myń adamǵa deıin artady dep boljanyp otyr.
"Taǵy bir daýyl jaqyndap kele jatyr. Aldaǵy aptada omıkron Eýropa elderiniń birqataryna áser etedi", - dedi ol.
”Adyrna” ulttyq portaly
