Mobıldi tólemder týraly salyq normasy 1 naýryzdan bastap kúshine enedi

2891

Mobıldi tólemder týraly salyq normasy 1 naýryzda kúshine enedi. Bul týraly QR Qarjy mınıstrliginiń baspasóz qyzmeti málim etti, dep habarlaıdy QazAqparat tilshisi. «Jaqynda «Salyq jáne bıýdjetke tólenetin basqa da mindetti tólemder týraly» kodekske (Salyq kodeksi) túzetýler engizildi.

Engizilgen ózgerister salyqtyq ákimshilendirýdiń tıimdiligin arttyrýǵa, kóleńkeli ekonomıkanyń úlesin azaıtýǵa jáne adal bıznesti qoldaýǵa baǵyttalǵan», - dep jazady mınıstrliktiń baspasóz qyzmeti. Resmı organnyń málimeti boıynsha, zańdy ázirleýge «Atameken» ulttyq kásipkerler palatasy men Qazaqstan qarjygerler qaýymdastyǵy, ekinshi deńgeıli bankter atsalysqan. «Bul normalar kásipkerlik maqsattaǵy mobıldi tólemderdi jeke tulǵalardyń jeke aýdarymdarynan ajyratýǵa múmkindik beredi, Qarjy mınıstrligi jeke tulǵalardyń jeke aýdarymdaryna salyq salynbaıtynyn aıryqsha atap ótedi. Zańnamada «mobıldi aýdarym» jáne «mobıldi tólem» eki bólek kórsetilgen. Sońǵysy taýarlar men qyzmetterge aqy tóleý úshin júzege asyrylady. Bul salyq deklaraııalarynda kásipkerlerdiń kiristerin durys kórsetýge ákeledi», - delingen mamandardyń túsindirmesinde. Mınıstrliktiń ustanymy boıynsha, mobıldi tólemderdi jeke tirkeý sharasy onlaın aýdarym jasaıtyn adamnyń bárine salyq jaýapkershiligin júktemeıdi. Tek bıznestiń qoldanystaǵy zańnamada qarastyrylǵan salyq mindettemelerin oryndaýyna baǵyttalǵan. «Kásipkerler burynǵydaı mobıldi tólemdi alǵannan keıin tutynýshyǵa kassalyq chek berýi kerek. Mobıldi tólemge qatysty normalar 2022 jylǵy 1 naýryzdan bastap kúshine enedi. Kásipkerlik qyzmet belgileri bar utqyr tólemder boıynsha derektermen almasý tek 2025 jyldan bastap josparlanady», - dep jazady vedomstvonyń baspasóz qyzmeti.

"Adyrna" ulttyq portaly

Pikirler
Redakııa tańdaýy