Shymkent qalasynyń qylmystyq ister jónindegi mamandandyrylǵan aýdanaralyq soty 2016-2020 jyldar aralyǵynda Qazaqstan aýmaǵynda Bahreın Koroldigine qyzdardy jiberýmen aınalysqan transulttyq uıymdasqan qylmystyq toptyń jetekshileri men múshelerine, sondaı-aq olardyń sybaılastaryna qatysty úkim shyǵardy, dep habarlaıdy "Adyrna" ulttyq portaly "Stan.kz"-ke silteme jasap.
Bul tulǵalar sot úkimimen kináli dep tanylyp, olarǵa túrli jazalar taǵaıyndaldy. TUQT basshysy S.Azadova 14 jylǵa bas bostandyǵynan aıyryldy.
Qylmystyq toptyń basqa da músheleri men sybaılastary S.Ahmedova, E.Berkına, Sh.Ahmedova, Sh.Turǵynova 12 jylǵa bas bostandyǵynan aıyryldy; R.Qosdáýletova, E.Temirova 11,3 jylǵa bas bostandyǵynan aıyryldy; R.eshladze 10 jylǵa bas bostandyǵynan aıyryldy; Savınskıı S. men Madadov I. 6,8 jylǵa bas bostandyǵynan aıyrý;
Pıchýgın Z. men Azadova T.-ny QK-niń 55-babynyń 4-bóligimen 1,3 jylǵa bas bostandyǵynan aıyrý; Gaınýllın R., QK-niń 55-babynyń 4-bóligimen 3 jylǵa bas bostandyǵynan aıyrý jazasyn taǵaıyndaldy (sot zalynda qamaýǵa alyndy).
R.Gaınýllınge jazasyn qatań tártiptegi qylmystyq-atqarý mekemelerinde, qalǵan sottalýshylar qaýipsizdigi ortasha qylmystyq-atqarý mekemelerinde óteý belgilendi.
Sonymen qatar, sot úkimimen 3 sottalýshy kináli dep tanylyp, QK-niń 68-babynyń 2-bóligin qoldana otyryp, taraptardyń tatýlasýyna baılanysty qylmystyq jaýaptylyqtan bosatyldy.
Esterińizge sala keteıik, buǵan deıin Ishki ister mınıstrligi Bahreın Koroldiginde adam saýdasymen, onyń ishinde kámeletke tolmaǵandardy seksýaldyq quldyqqa satýmen aınalysqan Qazaqstan, Reseı Federaııasy jáne Bahreın Koroldigi azamattarynan quralǵan qylmystyq toptyń jolyn kesken bolatyn.
Uzaq ýaqyt boıy TUQT jetekshileri men qatysýshylary Qazaqstannyń ońtústik óńirleri turǵyndarynyń áleýmettik osal toptarynan 16 men 25 jas aralyǵyndaǵy qyzdardy izdeýmen jáne jumysqa qabyldaýmen aınalysqan. Aǵymdaǵy jyldyń mamyr aıynda atalǵan qylmystyq is Ishki ister mınıstrliginiń aıyptaýymen sotqa joldanǵan bolatyn.
"Adyrna" ulttyq portaly.
