Kentaýda mektepte oqıtyn qyz balalar tóbelesken (VIDEO)

3264
Adyrna.kz Telegram

Kentaýda joǵary synypta oqıtyn eki qyz sózge kelispeı qalǵan. Arty janjalǵa ulasyp, mektep aýlasynda tóbelesken, dep habarlaıdy "Adyrna" ulttyq portaly "Otyrar.kz" saıtyna silteme jasap.

Bul oqıǵa vıdeoǵa túsip qalǵan. Kadrda bir qyz ekinshi qyzdyń shashynan julyp, basynan urǵylap jatyr. Al vıdeony túsirip turǵandar ajyratýdyń ornyna tóbelesti quptap turǵanyn kórýge bolady.

Atalǵan derek boıynsha 17 jeltoqsanda Kentaý qalasyndaǵy polıııaǵa jábirlengen qyzdyń anasy aryzdanǵan. Aıtýynsha, qyzy túrli dene jaraqatyn alǵan.

Belgili bolǵandaı, mekteptiń joǵary synyp oqýshylary sózge kelispeı qalyp, keıin dál mektep aýlasynda tóbelese bastaǵan. Oqıǵadan keıin qyz túrli jaraqattarmen aýrýhanaǵa túsken.

Bul fakt Kentaý qalasynyń polıııa bólimshesine tirkelip, polıııa qyzmetkerleri men mektep ákimshiligi kámeletke tolmaǵan qyzdardyń ata-analarymen de jınalys ótkizdi.

Quqyq buzǵan jasóspirimderdiń ata-analarynyń jaýapkershilikterin qaraý maqsatynda, QR ÁQBtK-niń 435-baby boıynsha qujattar jınaqtalyp jatyr. Jasóspirim qyz dárigerdiń ruqsatymen aýrýhanadan shyqqan soń, qujattar saraptamaǵa joldanady. Sarapshylardyń qorytyndysymen zańdy sheshim qabyldanatyn bolady.

 

 

 

"Adyrna" ulttyq portaly

Pikirler