Eks-prezıdent Asqar Aqaevqa jańa aıyp taǵyldy

1156

Qyrǵyzstannyń eks-prezıdenti Asqar Aqaevqa qatysty qylmystyq isti tergeý jalǵasady, oǵan jańa aıyp taǵyldy, - dep habarlaıdy “Adyrna” ulttyq portaly Tengrinews.kz saıtyna silteme jasap. 

Jaqynda Aqaevtyń áriptesi Bekbolot Talǵarbekov burynǵy memleket basshysynan barlyq aıyptaý alyp tastalǵanyn jáne oǵan qatysty qylmystyq is qylmys quramynyń bolmaýyna baılanysty toqtatylǵanyn málimdedi.

QR Ulttyq qaýipsizdik komıtetiniń baspasóz qyzmeti búgin, 21 jeltoqsanda Talǵarbekovtiń sózin joqqa shyǵardy.

"Jekelegen tulǵalardyń burynǵy prezıdent Asqar Aqaevtyń "Qumtór" isi boıynsha aıyptaýlaryn alyp tastaýǵa qatysty jalǵan málimdemesine baılanysty UQK qoǵamǵa osy qylmystyq isti tergeýdiń aldyn ala nátıjeleri týraly obektıv aqparat jetkizýdi qajet dep sanaıdy. Tergeýge qatysy joq jáne sáıkesinshe is boıynsha senimdi aqparaty joq adamdardyń mundaı málimdemesi qoǵamdy ádeıi adastyrady", - dep túsindirdi departament ókili.

Sonymen qatar, Asqar Aqaevqa 1992 jyly "Kameko" kompanııasymen bas kelisim jasasý jáne 2003 jyly "Qumtór" jobasyn qaıta qurylymdaý epızodtary boıynsha jańa aıyp taǵylǵan.

"Asqar Aqaev qylmystardy jasaǵany úshin óz kinásin tolyq moıyndaǵanyn jáne tergeýmen belsendi túrde yntymaqtasatynyn, al onyń elden tys jerge ketýi tergeýshimen, sondaı-aq onyń Bishkekke kelýimen aldyn ala kelisiletinin erekshe atap ótken jón. Bul rette qylmystyq isti tergeý jalǵasyp jatyr jáne "Qumtór" jobasyn iske asyrýǵa baılanysty qylmystardy jasaýdyń basqa da derekteri anyqtalady, al júrgizilgen tergeý áreketteriniń nátıjeleri boıynsha is fıgýranttaryna tıisti zańdyq baǵa beriledi", - dep túıindedi UQK ókili.

”Adyrna” ulttyq portaly

Pikirler
Redakııa tańdaýy