Qazaqstan Respýblıkasy Táýelsizdiginiń 30 jyldyǵyna oraı Prezıdent Qasym-Jomart Toqaevtyń atyna shet memleketterdiń basshylary men halyqaralyq uıymdardyń jetekshilerinen quttyqtaý jedelhattary kelip túsýde dep habarlaıdy "Adyrna" ulttyq portaly Aqordaǵa silteme jasap.
«Sıngapýr men Qazaqstan joǵary deńgeıdegi berik ári jeke baılanystar arqyly bekemdelgen shynaıy dostyq qatynas ornatqan. Halyqaralyq saýdanyń negizgi tranzıttik toraptary retinde eki eldiń ornalasqan strategııalyq ornyn eskere otyryp, júk tasymaly baılanystaryn damytýǵa ózara múddelimiz», – dep jazǵan Sıngapýr Prezıdenti.
Armenııanyń Premer-mınıstri Nıkol Pashınıan da óziniń quttyqtaýy men ıgi tilekterin joldaı otyryp, Qazaqstannyń saıası jáne áleýmettik-ekonomıkalyq salalardaǵy mańyzdy jetistikterin atap ótken.
«Bizdiń ózara kúsh-jigerimiz Armenııa men Qazaqstan arasyndaǵy tabysty yntymaqtastyqty ekijaqty formatta da, ıntegraııalyq qaýymdastyqtar men kópjaqty uıymdar aıasynda da odan ári damytýǵa baǵyttalatynyna senimdimin. Munyń bári eki el halyqtarynyń múddesin kózdeıdi», – delingen jedelhatta.
Táýelsizdigimizdiń 30 jyldyǵyna oraı Oman Sultany Haısam Bın Tarıq, Nepal Prezıdenti Bıdhıa Devı Bhandarı, Avstralııanyń Premer-mınıstri Skott Morrıson, Izraıldiń burynǵy Premer-mınıstrleri Bınıamın Netanıahý jáne Ehýd Olmert, BUU-nyń Jenevadaǵy bólimshesiniń bas dırektory Tatıana Valovaıa, Dúnıejúzilik densaýlyq saqtaý uıymynyń bas dırektory Tedros Adhanom Gebreıesýs, Reseı Federaııasy Syrtqy barlaý qyzmetiniń dırektory Sergeı Naryshkın, «Mabetex Group» kompanııasynyń prezıdenti Afrım Pakollı jáne basqalar óz quttyqtaýlaryn joldady.