Túrkııa qazaqtary táýelsizdiktiń 30 jyldyǵyn atap ótti

956
Adyrna.kz Telegram

Túrkııa qazaqtary qurǵan uıymdardyń biri – Qazaqkent Altaı qaýymdastyǵynyń uıytqy bolýymen qazaq dıasporasy Ystanbulda Táýelsizdiktiń 30 jyldyǵyna arnalǵan merekelik is-shara ótkizdi.

Qandastarymyzdyń kúshimen jáne Qazaqstannyń Ystanbuldaǵy Bas konsýldyǵynyń qoldaýymen ótkizilgen is-shara merekelik konertpen bastalyp, qonaqtarǵa ulttyq taǵamdardyń usynylýymen jalǵasty. Sondaı-aq, shara aıasynda Ystanbuldaǵy jas qandastar fýtboldan jarys ótkizdi. Ystanbul qazaqtarynyń basqosýynda Bas konsýl Álim Baıel dıasporanyń belsendi ókilderine alǵys hattar men estelik syılyqtar tabystady.

Jyraqta júrse de, atajurttyń azattyǵy men órkendeýine qashan da tilektes bolyp júrgen alystaǵy aǵaıyn Qazaq eliniń ózderine kórsetken qamqorlyǵy úshin alǵys bildirdi. Sonymen qatar, aıtýly merekeni qandastarmen toılaý aıasynda Bas konsýl Á. Baıel qazaq dıasporasy qurǵan taǵy bir uıym – Qoja Ahmet Iasaýı ǵylym jáne parasat qorynda dıaspora ókilderimen kezdesip, Táýelsizdik jáne qazaq-túrik yntymaqtastyǵy jóninde áńgime qurdy.

Jalpy, Táýelsizdiktiń 30 jyldyǵyna oraı, alyp shaharda jyl basynan beri birtalaı shara ótti. Atap aıtqanda, Abaı alańy men eskertkishi ashylyp, Dúnıejúzi qazaqtary qaýymdastyǵynyń kishi quryltaıy ótti.

Sonymen qatar, Qazaqstan táýelsizdiginiń 30 jyldyǵyna arnalǵan kúmis estelik moneta basyldy. Budan bólek, Mustafa Óztúrik atyndaǵy saıabaq ashyldy. Qazaqtyń óneri men mádenıetin, elimizdiń áleýetin tanystyrý maqsatynda Táttimbet atyndaǵy orkestrdiń konerti, «Ulytaý» tobynyń konerti, «Alataý» teatrynyń «Altybaqan» oıyn-saýyq keshi, «Tomırıs» jáne «Qazaq handyǵy» fılmderiniń kórsetilimi, «Ordaly eldiń 30 jyly» jetistikter kórmesi, «Táýelsizdiktiń 30 jyly jáne ınvestıııalyq múmkindikter» dóńgelek ústeli uıymdastyryldy.

Sondaı-aq, qazaqstandyq stýdentterdiń slıoty ótip, Ystanbulda bilim alyp jatqan jastardyń «Birlik» uıymy quryldy.

 

 

Pikirler