Táýelsizdiktiń 30 jyldyq mereıtoıy qarsańynda qalamger qandasymyz, aqyn, Jazýshylar odaǵynyń múshesi, «Tulǵa-dostyq» qoǵamdyq qorynyń dırektory Murathan Shoqannyń «Qandastar úlesi» atty jańa kitabynyń tusaýkeseri ótti.
Jańalyqqa jany qumar kópshilikke arnalǵan ıgi sharany «Otandastar qory» KEAQ men Nur-Sultan qalalyq ákimdigi janyndaǵy «Qoǵamdyq kelisim» KMM (Dostyq úıi) ujymy birlese uıymdastyrdy. Qarymdy qalamgerdiń «Qandastar úlesi» atty jańa jınaǵynda Táýelsizdik alǵan alǵashqy jyldary QR Tuńǵysh Prezıdenti - Elbasy Nursultan Nazarbaev sara jol salyp, búginde Memleket basshysy Qasym-Jomart Toqaev jiti nazarda ustaıtyn qandastar taqyryby qamtylǵan.
Tyń aqparattarǵa baı týyndyda tarıhı Otanymen tabysqan baýyrlarymyzdyń egemendi elimizdiń ósip-órkendeýine qosqan súbeli úlesi jaıynda jáne ózderi eńbek etetin salada kósh basynan kórinip júrgen ozyq oıly ǵalymdar men kásibı mamandar, talantty ónerpazdar men tanymal sportshylar jáne isker kásipkerler týraly jazylǵan. Tusaýkeser rásimi aıasynda álemniń ár shalǵaıynan atajurtqa oralǵan qandastardyń jemisti eńbegi men jetistikterinen syr shertetin kitaptar, sýretter, qolóner buıymdary men kásipkerlerdiń kórmesi de kópshilik nazaryna usynyldy.
Atalǵan is-sharaǵa «Otandastar qory» KEAQ vıe-prezıdenti Maǵaýııa Sarbasov, QR SIM Konsýldyq qyzmet departamenti Qazaq dıasporasymen jumys júrizý basqarmasynyń basshysy Nysan Dáýletaly, QR MSM Mádenıet komıtetiniń Repertýarlyq saıasat jáne óńirlik qyzmetti úılestirý basqarmasynyń basshysy Rıga Onaeva, QR AjQDM Etnosaralyq qatynastardy damytý komıtetiniń bas sarapshysy Danııar Qoıbaǵarov, QR EHÁQM Eńbek áleýmettik qorǵaý jáne kóshi-qon komıtetiniń bas sarapshysy Baqyt Arystanov, Nur-Sultan qalasy tilderdi damytý jáne arhıv isi basqarmasy basshysynyń orynbasary Sáken Esirkep jáne zııaly qaýym, aqyn-jazýshylar, belgili ǵalymdar, qolónershiler, sýretshiler, alys-jaqyn shetelderden kelgen qandastarymyz ben san alýan salada tabysqa jetken tanymal tulǵalar qatysty.
