Soltústik Qazaqstan oblysynda Chelıabi-Novosıbırsk tasjolynda áınegi synǵan, oq tıgen kólik tabyldy, dep habarlaıdy "Adyrna" ulttyq portaly "Tengrinews.kz"-ke silteme jasap.
Oqıǵa ornynan túsirilgen sýretter áleýmettik jelide tarady. Jeli qoldanýshylary jolda "toqsanynshy jyldar stılinde" tóbeles bolǵan shyǵar dep boljady.
"Chelıabi-Novosıbırsk tasjolynyń 635 shaqyrymynda Chıstoe aýylyna jaqyn jerde Hyundai Accent markaly kólik anyqtaldy. Memlekettik tirkeý nómiri joq. Zaqymdanǵan jerleri bar. Júrgizýshi jaqtaǵy esikke eki ret bytyraly myltyqpen oq atqan.
Biraq jaraqat alǵan adamdar joq. Tártip saqshylary kóliktiń ıesin anyqtady. Ol oblystyq bilim sapasyn baqylaý departamentinde tirkelgen. Oǵan Petropavl qalasynyń 25 jastaǵy turǵyny jaýapty. Onyń aıtýynsha, 17 jeltoqsan kúni túngi saǵat 22:00-de kólik buzylyp qalǵan. Ol memlekettik tirkeý nómirlerin alyp, kólikti jol jıeginde qaldyryp ketken. Polıeıler bul aqparatty tekserip jatyr", - delingen habarlamada.
"Adyrna" ulttyq portaly
