Aýǵanstan burynǵy turaqty ókil Gýlam Isakzaıdyń ornyna BUU janyndaǵy ókil mindetin atqarýshy retinde Nasır Ahmad Faıkti taǵaıyndady, - dep habarlaıdy ”Adyrna” ulttyq portaly RIA Novostı saıtyna silteme jasap.
"Aýǵanstan Islam Respýblıkasynyń Nıý-Iorktegi BUU janyndaǵy turaqty ókildiginiń keńesshi-ókil qyzmetin atqarýdy Nasır Ahmad Faık óz qolyna aldy", - delingen Aýǵanstan ókildiginiń Twitter-de jarııalaǵan habarlamasynda.
Aýǵanstan ókildigi eldegi aýyr gýmanıtarlyq jaǵdaıǵa qarsy kúresý úshin BUU basshylyǵy jáne múshe memlekettermen tyǵyz yntymaqtastyqty damytýǵa bar kúsh-jigerin salatyny aıtyldy.
Buǵan deıin "Talıban" qozǵalysy BUU-ǵa hat jiberip, burynǵy úkimet taǵaıyndaǵan Aýǵanstannyń turaqty ókili Gýlam Isakzaı endi qyzmetin jalǵastyrmaıtynyn málimdegen edi. Talıban BUU-daǵy Aýǵanstannyń jańa ókili retinde Mohammad Sýheıl Shahın taǵaıyndalǵanyn aıtty.
"Talıban" qozǵalysy bılikke kelgennen keıin Isakzaı tálipterdi birneshe ret synady. Ol bul qozǵalysty adam quqyqtaryn buzdy dep aıyptady.
“Adyrna” ulttyq portaly
