Jeltoqsan qurbandaryna gúl shoqtary qoıyldy

3005
Adyrna.kz Telegram

Almaty ákimi Baqytjan Saǵyntaev, onyń orynbasarlary, aýdan ákimderi, qoǵam qaıratkerleri, jeltoqsan jáne jastar uıymdarynyń ókilderi 1986 jylǵy jeltoqsan oqıǵalarynyń qurbandaryn eske aldy, dep habarlaıdy “Adyrna” ulttyq portaly  Zakon.kz saıtyna silteme jasap. 

Almaty qalasy ákimdigi baspasóz qyzmetiniń habarlaýynsha, eskertkishke gúl qoıý rásiminen keıin jınalǵandar sol oqıǵalarda qaza bolǵandardy bir mınýt únsizdikpen eske aldy. Din ókilderi eske alý úshin quran oqydy. Osydan soń  jeltoqsanshylarǵa arnaıy as uıymdastyryldy.

«Táýelsizdik tańy» monýmenti 2006 jyly Tuńǵysh Prezıdent – Elbasy N. Nazarbaevtyń qatysýymen Jeltoqsan-Sátbaev kósheleriniń qılysynda ashylǵanyn, jastar armandaǵan Táýelsiz Qazaqstanda ómir súrip jatqanymyz erekshe atalyp ótip edi.

Memleket basshysy Q. Toqaevtyń jeltoqsanshylardyń erligin máńgi este qaldyrý týraly tapsyrmasyna sáıkes Almatyda sol oqıǵalardyń qurmetine «Jeltoqsan» dep atalatyn saıabaq ashyldy. Sonymen qatar, osy saıabaqta ornatylatyn eskertkishti daıyndaýǵa shyǵarmashylyq baıqaý jarııalandy.

Aıta ketsek, 1986 jylǵy 17-18 jeltoqsanda Almatyda KOKP OK Bas hatshysy Mıhaıl Gorbachevtiń Qazaqstan Kompartııasynyń birinshi hatshysy Dinmuhamed Qonaevty qyzmetinen bosatýy jáne onyń ornyna Qazaqstanda buryn-sońdy jumys istemegen Ýlıanov obkomynyń birinshi hatshysy Gennadıı Kolbındi ákelýi týraly sheshimine baılanysty tolqýlar bastaldy. Jınalǵandar el basshysy laýazymyna baıyrǵy halyqtyń ókilin taǵaıyndaýdy talap etti. Mıtıng jappaı tártipsizdikterge ulasty.

“Adyrna” ulttyq portaly

Pikirler