Qazaqstanda avtosaqtandyru qūny tömendeuı mümkın. Alaida jeŋıldık tek keibır aimaqtarǧa ǧana qatysty. Qarjy naryǧyn retteu agenttıgı Mäjılıske ikemdı tarifteuge köşudı ūsyndy, dep habarlaidy "Adyrna" ūlttyq portaly "KTK" arnasyna sılteme jasap.
“Eger soŋǧy bes jyldyŋ statistikasyn alyp qaraityn bolsaq, är öŋırde jol-kölık apattarynyŋ sany ärtürlı. Soltüstık Qazaqstan oblysynda 20%, Almatyda 58%, Nūr-Sūltan qalasynda 61%. Eger öŋırde apat körsetkışı az bolsa, onda tarif tömen boluy şart. Bız būl tetıkke köşsek, Qazaqstannyŋ köptegen oblysynda avtosaqtandyru qūny arzandaityn edı. Almaty men Nūr-Sūltanda apat köp bolǧandyqtan, tarif qūny būrynǧysynşa qalady”, – deidı qarjy naryǧyn retteu jäne damytu agenttıgınıŋ töraǧasy Madina Äbılqasymova.
Jol apatynan auyr jaraqat almaǧan kölık jürgızuşılerınıŋ de ömırı jeŋıldei tüsedı. Saqtandyru aqşasy jeŋıldetılgen ülgı boiynşa qazırgıdei ekı aidyŋ ışınde emes, bar bolǧany 5 künde tölenedı.
Jaŋa qyzmet qazaqstandyqtarǧa 2023 jyldan bastap qoljetımdı. Agenttık osy jaǧdaidy dūrystaityn arnaiy mobildı qosymşa äzırleuge daiyn. Qosymşanyŋ kömegımen taraptar mäselenı polisiia qyzmetkerınsız, saqtandyru agentınsız jäne eŋ bastysy, sot talqylauynsyz şeşe alady.
Jeŋıldetılgen qyzmet üş şartpen jūmys ısteidı. Eger jol apatynda ekı kölık soǧylyp qalsa, sonyŋ saldarynan eşkımnıŋ densaulyǧyna ziian kelmese, şyǧyn kölemı 100 ailyq eseptık körsetkışten aspauy kerek.
"Adyrna" ūlttyq portaly
Basqalarmen bölıse
otyryŋyz
