Ulttyq statıstıka bıýrosynyń ókilderi elimizde Qazaqstan, Egemen, Táýelsizdik esimdi qansha adam baryn aıtty, - dep habarlaıdy "Adyrna" ulttyq portaly "Tengrinews.kz-"ke silteme jasap.
Ulttyq statıstıka bıýrosynyń málimetinshe, elimizde Qazaqstan esimdi 35 adam bar, onyń toǵyzy Aqmola oblysynda, segizi Qaraǵandy oblysynda, beseýi Nur-Sultanda, úsheýi Qostanaı oblysynda jáne Shymkent qalasy men Almaty, Mańǵystaý oblystarynda eki adamnan turady. Aqtóbe, Atyraý, Batys Qazaqstan jáne Pavlodar oblystarynda bir adamnan bar.
Al Qazaqstanda Egemen esimdi alty adam bar eken. Olar — Almaty qalasynda, Aqtóbe, Almaty, Qaraǵandy, Túrkistan jáne Shyǵys Qazaqstan oblystarynda. Sondaı-aq elimizde Táýelsizdik esimdi bir adam bar, ol — Qaraǵandy oblysynyń turǵyny.
Elbasy esimdi 65 adam bar eken, al Qasym-Jomart esimdi eki adam bar.
"Adyrna" ulttyq portaly
