Kezdesý barysynda ýnıversıtettiń ǵylymı áleýetin damytý máseleleri jáne «Tórtinshi ónerkásiptik revolıýııa jaǵdaıyndaǵy damýdyń jańa múmkindikteri» atty joldaýdyń basym baǵyttaryna sáıkes kadrlar daıarlaýdyń barysy talqylandy.
Memleket basshysy ýnıversıtet tarapynan atqarylyp jatqan jumystardyń nátıjelerin atap ótip, jahandyq ekonomıkalyq jáne tehnologııalyq ózgerister jaǵdaıyna beıimdelgen jas mamandardy oqytý isindegi joǵary oqý oryndarynyń róline basa nazar aýdardy.
– Siz kóp jyldan beri elimizdegi eń iri jáne basty ýnıversıtetterdiń birin basqaryp kelesiz. Munda shetelden kelip oqıtyn stýdentter bar. Ýnıversıtet elimizdiń joǵary oqý oryndary arasynda joǵary reıtıngke ıe bolyp otyr, – dedi Qazaqstan Prezıdenti.
Ǵalymqaıyr Mutanov Nursultan Nazarbaevqa ýnıversıtetti transformaııalaý jáne oqý úderisin zamanaýı talaptarǵa beıimdeý nátıjeleri jóninde baıandady.
– Bizdiń negizgi maqsatymyz – oqý ornyn álemdik deńgeıdegi zertteý ýnıversıtetine aınaldyrý. Soǵan oraı jetekshi mamandar daıarlanyp qana qoımaı, ǵylym men ınnovaııany damytý máselesi de qamtylatyn bolady. Jalpy, ýnıversıtetter ınnovaııalyq ekonomıkanyń draıveri bolýǵa tıis, – dedi ál-Farabı atyndaǵy Qazaq ulttyq ýnıversıtetiniń rektory.
Ǵ.Mutanov Memleket basshysyna IT jáne jańa tehnologııalar salasyndaǵy jobalardyń iske asyrylý barysy jóninde málimdep, oqý ornynyń bazasynda qurylǵan IT-tehnoparki aıasynda ýnıversıtetaralyq ózara yqpaldastyqtyń ornaǵanyn aıtty. Ál-Farabı atyndaǵy Qazaq ulttyq ýnıversıteti rektorynyń málimetine sáıkes, búginde osy oqý ornyndaǵy stýdentterdiń 60 paıyzdan astamy jaratylystaný ǵylymdary boıynsha bilim alýda.
Kezdesý sońynda Qazaqstan Prezıdenti birqatar naqty tapsyrma berdi.
