83 jasqa qaraǵan shaǵynda qazaq satırasynyń sardary, jazýshy, jýrnalıst Úmbetbaı Ýaıdın ómirden ozdy, dep habarlaıdy QazAqparat.
Úmbetbaı Ýáıdauly 1935 jyly 10 qarashada Aqtóbe oblysynyń Yrǵyz aýdanyna qarasty Temirastaý aýylynda týǵan. Qazaq memlekettik ýnıversıteti fılologııa fakýltetiniń jýrnalıstıka bólimin bitirgen. Qazaq radıosy, «Ara-Shmel» jýrnaly, Qazaqfılm kınostýdııasy, «Óner» baspasy, Qazaqstan kitapqumarlar qoǵamy men Jazýshylar odaǵynda ár túrli qyzmetter atqarǵan. Kóp jyldan beri Ál-Farabı atyndaǵy QazMUÝ-dyń jýrnalıstıka fakýltetinde jáne Abaı atyndaǵy qazaq tili men ádebıetin tereńdete oqytatyn daryndy balalar mektep-ınternatynda ustazdyq etken. Aqtóbe oblysynyń Shalqar, Yrǵyz aýdandarynyń qurmetti azamaty. Jekelegen kitaptary orys, ýkraın, qyrǵyz, qaraqalpaq, týva tilderine aýdarylǵan. «Qara kózildirik», «Endigisin aıtpaımyn», «Ishiń bilsin», «Konteınermen kelgen kempir», «Tilsiz qońyraý», «Bydy-bydy», «Nanaıyn ba, nanbaıyn ba?», «Pálen-páshtýan», "Áýmın!», "Atyń kim, áı?», "Allo, bul kim?» syndy óleńder jáne ázil- syqaqtar jınaqtary jaryq kórgen.
inform.kz
