Qazaqstan Halqy Assambleiasy 1995 jyly qūrylyp, osy uaqytqa deiın jemıstı qyzmet etıp keledı. Assambleianyŋ basty maqsaty san türlı ūlttardyŋ basyn qosqan qoǧamda tynyştyq pen tatulyqty saqtau, örkendeu men damu jolyn salu bolyp tabylady. Assambleia būl missiiany mültıksız oryndap keledı.
90-jyldardan bastap postkeŋestık elder aumaly-tökpelı zamandy bastan keşırdı. Körşıles elder azamat soǧysyna batyp, töŋkerıs ūiyǧynan şyǧa almai qaldy. Basym bölıgınde qaqtyǧystardyŋ soŋy etnikalyq sipatqa ūlasyp, ırı etnosaralyq janjaldar. Bıraq Qazaqstan ol qaqtyǧystardyŋ aldyn ala bıldı. Öitkenı özgenıŋ qatelıgınen sabaq alu qaşanda maŋyzdy.
Qazaqstan türlı etnos ökılderınıŋ tatulyǧyn saqtau maqsatynda san qily jobalardy jüzege asyryp keledı. Onyŋ ışınde respublikalyq jäne aimaqtyq jobalar bar. Sonyŋ bırı jyl saiyn Almaty qalasynda ūiymdastyrylatyn «Bırlık - bereke bastauy». Biyl da joba sättı jüzege asty. Joba Aiasynda Almaty qalasy boiynşa san türlı ūlttardyŋ basyn qosyp, tatulyq tuyn jelbıretu maqsatynda, dostyq pen tanystyqty arttyru üşın köptegen şaralar ūiymdastyryldy. Atap aitqanda joba aiasynda ekı chellendj ūiymdastyryldy. Chellendjderdıŋ maqsaty özge ūlt ökılderı arasynda memlekettık tıldı bıletın jandardy anyqtau jäne sol arqyly tıldı üirenuge degen stimuldy arttyru, al ekınşı chellendj Häkım Abai öleŋderınen üzındı şyǧarmalar oqu bolyp, chellendjderge myŋnan astam jan qatysyp, qyzyqty formatta öttı. Memlekettık tıldı bıletın, meŋgerıp, ony ekınşı ana tılı sanaityn özge etnostardy jinaqtap, arnaiy elektrondy kadrlyq rezerv jasaldy. Atalmyş kadrlyq rezervtıŋ maqsaty talantty jastardy qoldau, olarǧa jūmys tabudyŋ jolyn aşu, mansaptyq ösuıne jaǧdai jasau bolyp tabylady. Sonymen qatar özge ūlt ökılderı arasynda tıldı üirenudı nasihattau, dostyqty arttyrudy ügıtteu maqsatynda arnaiy kezdesuler, seminarlar ūiymdastyryldy. Sonymen qatar pandemiialyq jaǧdaiǧa sai talaptardy saqtai otyryp konserttık şara ötkızılıp, chellendj jeŋımpazdaryn baǧaly syilyqtarmen marapattau da oryn aldy.
Elımızdegı tatulyq pen bırlıktı saqtau qaşanda maŋyzdy. Ony joǧarydaǧy aitylǧan jobalarmen quattap otyru da özınıŋ jemısın beredı. Būl dūrys qadam. Qazaqstan üşın tatulyq pen tynyştyq bırınşı orynda bolǧan sätte ǧana, damu men alǧa basu esıgımızdı özı qaǧatyn bolady.
"Adyrna" ūlttyq portaly
