QAZYBEK ISA: Táýelsizdikti qorǵaǵany úshin túrmede otyr?!

918

Marǵulandy kimder sotqa bergenine qarap-aq, bul ádiletsizdik bolǵanyn bilesiń…

“Biz ulttyq múddeni aspen de, taspen de qorǵaýǵa daıyn bolýymyz qajettigin taǵy da basa aıtqym keledi”
QR Prezıdenti Q.Toqaev

Bıyl Táýelsizdigimizdiń 30 jyldyq merekesi!
Alash kósemi Álıhan Bókeıhannyń 155 jyldyǵy!
Táýelsizdik qarlyǵashy - Jeltoqsan kóterilisiniń 35 jyldyǵy!
Týra búgin, 12 jeltoqsan - 1917 jyly Alash Orda avtonomııadyq úkimetiniń qurylǵanyna 104 jyl!

Keshe ǵana Qaraǵandy qalasyndaǵy Oktıabr aýdany Álıhan aýdany bolyp ózgertilgeni týraly sheshim shyqty!

“ALASh aqyry Oktıabrdi jeńdi! Oktıabr aty óship, ÁLIHAN aýdanyna aınaldy!”-dep qýana jazdyq!

Al sol Qaraǵandynyń týmasy, Álıhan bastaǵan Alash arystaryn ulyqtaýdy nasıhattap júrgen belgili qoǵam qaıratkeri Marǵulan Boranbaı separatızmge qarsy shyǵyp, Táýelsizdigimizdi, ulttyq múddemizdi qorǵaǵany úshin túrmede otyr…

Qaraǵandydaǵy aýdannan Oktıabrdiń aty óshkenmen, sol aýdanda týyp-ósken Marǵulanǵa Oktıabr bolshevıkteriniń tyrnaǵy áli batyp otyr…

Táýelsiz memleketimizdiń qazirgi konstıtýııalyq qurylysyna qarsy solshyl kommýnısterge ashyq batyl qarsy shyǵyp, QR Prezıdenti Q.Toqaev aıtqandaı: “Táýelsizdikti aspen de, taspen de qorǵap”, Ulttyq múddemiz úshin, tilimiz úshin kúresip júrgen Marǵulanǵa jaýlary jala jaýyp, abaqtyǵa japty.
“Jala japty” dep jalań aıta salyp otyrǵan joqpyz, tómendegi Bas prokýrorǵa jazǵan hatymyzda buny Marǵulannyń advokaty A.Baıdarov aıqyn dáleldep kórsetip bergen.

Iá, biz, “Aq jol” partııasy basshylary, Májilis depýtattary Azat Perýashev, Qazybek Isa, Berik Dúısembınovter Marǵulan Boranbaıdyń advokaty A.Baıdarovtyń jazǵan aryzyna baılanysty Qazaqstan Respýblıkasynyń
Bas prokýrory
Ǵ.D. Nurdáýletovke eki ret hat joldadyq. Aldymen bıylǵy kóktemniń basynda jazǵan hatymyzben tarystyraıyq.

Qazaqstan Respýblıkasynyń
Bas prokýrory
Ǵ.D. Nurdáýletovke

Qurmetti Ǵızat Dáýrenbekuly!

«Aq jol» Qazaqstannyń Demokratııalyq partııasyna QR QK 174-babynyń 2-bóligi, 179-babynyń 2-bóligimen qarastyrylǵan quqyq buzýshylyq úshin aıyp taǵylyp otyrǵan Marǵulan Boranbaevtyń advokaty A. E.
Baıdarovtyń qorǵaýyndaǵy adamǵa qatysty tergeý barysynda oryn alǵan buzýshylyqtar jóninde aryz haty kelip tústi.

Aryz hatta, M.Boranbaevqa qatysty qozǵalǵan qylmystyq isti tergeý Almaty qalalyq polıııa departamenti tarapynan zańsyz júrgizilýi jóninde baıandalyp otyr.
Atap aıtqanda, tergeý rettiligi buzylǵan, ıaǵnı QR qylmystyq kodeksiniń 179-babymen tergeý, QR Qylmystyq-proestik kodeksiniń 187-babynyń 1-bóliginiń talaptaryna sáıkes, Ulttyq qaýipsizdik komıteti organdarymen júrgizilý tıis bolatyn. Ekinshiden, polıııanyń tergeýshileri tarapynan, is birjaqty túrde tergelip, qorǵaý tarapynyń zańdy, negizdi ýájderi nazarǵa alynbaýda. Osynyń negizinde, aryz hat ıesi, Almaty qalasynyń polıııa departamentiniń bundaı sanatty isterdi tergeýge ýákilettigi jáne quzyreti joq ekendigin alǵa tarta otyryp, bul belgiler tergeýdiń obektıvtiligi men beıtaraptyǵyna kúmán keltiredi.
Sonymen qatar, QR QPK 272-babynyń 4-bóligimen kózdelgen, sot saraptamasynyń taǵaıyndalǵany týraly qaýlymen kúdiktini, aıyptalýshyny, onyń qorǵaýshysyn, jábirlenýshini, onyń ókilin, sondaı-aq saraptamaǵa ushyraıtyn kýáni, onyń ishinde qorǵalýǵa quqyǵy bar kýáni onyń zańdy ókilin tanystyrady jáne olarǵa osy Kodekstiń 274-babynda kózdelgen quqyqtaryn túsindiretini týraly proestik zań talaptary saqtalmaǵan. M. Boranbaev óz qorǵaýshysymen birge atalǵan sot saraptamalarynyń tek qorytyndylarymen tanystyrylǵan.
Nátıjesinde, qorǵaý tarapynan, 2019 jylǵy 4 sáýirdegi №893 sot saraptamasynyń qorytyndysy boıynsha, QR QPK 286-baby tártibinde sarapshylardy jaýaptaý, qaıtalama saraptama taǵaıyndaý týraly ótinishteri qanaǵattandyrylmaǵan.
Al, 2019 jylǵy 16 tamyzdaǵy №1601 saraptama qorytyndysymen M. Boranbaev qorǵaýshysymen, tek 2020 jyldyń qazan aıynda ǵana tanystyrylǵan.
Saraptama qorytyndylarynyń nátıjesinde M. Boranbaevtyń jazǵan posttary kontekstten bólinip alynǵan, keı jerlerde Boranbaev tarapynan jazylmaǵan pikirlerdi sol jazdy dep ashyq túrde burmalanǵan (falsıfıkaııalanǵan) kommentarıılerden turatyndyǵy jóninde baıandalady.
Sondaı-aq, sarapshylar tujyrym jasaǵanda, M. Boranbaevqa tıesili emes basqa tulǵalardyń kommentarıılerin negizge alǵan.

Marǵulan Boranbaev – Qazaqstan Respýblıkasynyń aýmaqtyq tutastyǵyna kúmán qoıýshy, Elimizdiń basqa memlekettiń quramynda bolý ıdeıasyn ashyq ustanatyn, memlekettik tildiń qoldanylý aıasyn keńeıtýge jáne eldi mekender men kóshelerdi qaıta ataýǵa qarsy, batys álemimen qarsy turý logıkasyn kúshtep tańatyn dushpandyq kúshterge qarsy jarııalanymdarmen, ulttyq múddelerdi qoldaýshy retinde tanymal azamat. Sondaı-aq, ol, tikeleı nemese janama túrde qazirgi konstıtýııalyq qurylysqa qarsy baǵyttalǵan solshyl marksıstik ıdeologııaǵa qarsy pikirlerimen de belgili.
Atap ótý qajet, Elbasy N. Nazarbaev óziniń «Bolashaqqa baǵdar: rýhanı jańǵyrý» atty maqalasynda, eldi qurdymǵa bastaıtyn popýlıstik ıdeologııalardyń ishinde, ótken ǵasyrdyń basty úsh ıdeologııasy – kommýnızm, fashızm jáne lıberalızmdi atap ótken bolatyn.
Sol sııaqty, Prezıdent Q. Toqaevtyń «Táýelsizdik bárinen qymbat» atty maqalasynda «Totalıtarlyq kezeńde ulttyq qundylyqtarymyzdan, tilimizden, dilimiz ben dinimizden aıyrylyp qala jazdadyq. Ult pen el retinde saqtalyp qalý úshin, búgingi jáne bolashaq urpaq jańa syn-qaterlerge daıyn bolýy kerek» delingen.
Sol maqalada, aýmaqtyq tutastyǵymyzǵa kúmán keltirip, tatý kórshilik qatynastarǵa syna qaqqysy keletinderge, resmı jáne qoǵamdyq deńgeıde toıtarys bere otyryp, ulttyq múddeni aspen de, taspen de qorǵaýǵa daıyn bolýymyz qajettigi basa aıtylǵan.
Al, M. Boranbaı bolsa, ol óz túsinigi boıynsha elimizdiń ulttyq, ultshyldyq múddelerin qorǵaý maqsatynda jarııalymdaryn buqaraǵa usynǵan tulǵa. Sol ustanymdaryn ashyq jarııalaǵany úshin, búgin jaýapkershilikke tartylyp qamaýda otyr.
Sondyqtan da, qurmetti Ǵızat Dáýrenbekuly, Sizdi osy el nazaryn aýdaryp otyrǵan shýly istiń memlekettik múdde turǵysynan ádil sheshilýine yqpal etedi dep senemiz.

Qurmetpen,
«Aq jol» QDP
frakııasynyń depýtattary
A. Perýashev
Q. Isa
B. Dúısembınov

Bas prokýratýraǵa jazǵan hatymyzǵa segiz aıdan beri selt etken jaýap bolmaǵasyn jaqynda taǵy hat jazdyq.

Bıylǵy 4 naýryzda Qazaqstan Respýblıkasy Bas prokýrorynyń atyna Parlament Májilisiniń depýtattary A.
Perýashevtyń, Q. Isanyń, B. Dúısembınovtyń qolymen, QR QK 174-babynyń 2-bóligi, 179-babynyń 2-bóligimen qarastyrylǵan quqyq buzýshylyq úshin aıyp taǵylyp otyrǵan Marǵulan Boranbaevtyń qorǵaýshysy A. E. Baıdarovtyń, qorǵaýyndaǵy adamǵa qatysty tergeý barysynda oryn alǵan buzýshylyqtar jónindegi aryzy boıynsha №05 hat joldanǵan bolatyn.
Alaıda, sol hat joldaǵannan segiz aı ótse de, bizge áli jaýap kelgen joq.

Osyǵan baılanysty, Qazaqstan Respýblıkasynyń Ákimshilik rásimdik-proestik Kodeksiniń talaptaryna saı nege jaýap berilmegendigin tekserýdi suraımyz.
Eger, jaýap daıyndalyp, ol belgisiz bir sebeptermen bizge jetpeı qalǵan jaǵdaıda, Nur-Sultan qalasy, Máńgilik el kóshesi, 30 mekenjaıynda ornalasqan «Aq jol» QDP ortalyq apparatyna qaıta joldaýdy ótinemiz.

Memlekettik organdardyń jazylǵan hatqa belgili bir merzim ishinde jaýap berýin talap etetin zań talaptarynyń nege buzylǵanyna Zańdylyqtardy qadaǵalaıtyn basty organ - Bas prokýratýranyń ózi endi nazar aýdaratyn bolar dep úmittenemiz.

Marǵulannyń ústinen aryz jazǵandardyń kim ekendikterine qarap-aq, onyń ádiletsiz tutqynda jatqanyn bilýge bolady!!

Ózge elderde Táýelsizdikti qorǵaǵan Marǵulandaı marǵasqalaryn qýdalamaıdy, qurmetteıdi. Al bizde bári kerisinshe.

Qaıta Táýelsizdik qarlyǵashy - Jeltoqsan kóterilisiniń 35 jyldyǵynda Jeltoqsan qaharmandaryn jazalaýǵa qatysqanyn áli kúnge maqtanyshpen aıtyp júrgenderdiń sol kezdegi qareketterine, Táýelsizdiktiń 30 jyldyǵynda árbir isi burynǵy otarshyl staalındik kommýnızmdi nasıhattaýǵa arnalǵandardyń zańsyz áreketterine zańdyq baǵa beretin kez keldi!!!

Tórt kúnnen soń Táýelsizdigimizdiń 30 jyldyq merekesin toılaımyz! Al Táýelsizdikti qorǵaǵan Marǵulan Boranbaı jazyqsyz, jalǵan jalamen tas qamaýda otyr!?.

Bizdiki eshqandaı yqpal jasaý emes, Bas prokýrorǵa jazǵanymyzda aıqyn kórsetkenimizdeı, tergeý barysyndaǵy óreskel zań buzýshylyqtardy joıyp, ádildikti talap etý!

Bizge Táýelsizdikten artyq qundylyq joq!

Alashqa Alla jar bolsyn!
Táý eter Táýelsizdigimiz máńgilik bolǵaı!

Qazybek ISA,

"Adyrna" ulttyq portaly

Pikirler
Redakııa tańdaýy