Şymkent qalasynyŋ jūmyspen qamtu jäne äleumettık qorǧau basqarmasynyŋ basşysy Balmarjan Narbekova basqarmaǧa qarasty «Samǧau senım» ortalyǧyn aralap, qyzmet sapasyn baqylady. Sonymen qatar, qyzmet aluşylarmen tıkelei äŋgımelesıp, mūŋ-mūqtajdyqtaryn tyŋdady.
«Samǧau Senım» ortalyǧy tūrmystyq zorlyq-zombylyqqa ūşyraǧan köpbalaly analarǧa, az qamtamasyz etılgen otbasylarǧa äleumettık kömek körsetedı. Bügınde daǧdarys ortalyǧynda türlı qiyndyqtarǧa duşar bolǧan 25 - ke juyq qyz-kelınşek pen balalar qyzmet aluda. Barlyǧy da äleumettık jäne qūqyqtyq qamqorlyqqa mūqtaj.
Aita ketsek, tūrmystyq zorlyq-zombylyqqa ūşyraǧan jandarmen mūnda 9 baǧyt boiynşa jūmystar atqarylady. Atap aitqanda, äleumettık-qūqyqtyq baǧyt boiynşa ortalyq zaŋgerlerı tarapynan neke būzu, alimentke qūjatty räsımdeu, balanyŋ tuu turaly kuälıgı men sot şeşımınıŋ köşırmesın alu, būǧattalǧan jeke esep şotty aşu, qyzmet aluşylarǧa qatysty qylmystyq ıs boiynşa tergep-tekseru amaldaryna süiemeldeu boiynşa qoldau körsetıledı. Sonymen qatar, psiholog mamandar olardyŋ küizelısten şyǧyp, qaita aiaqqa tūrularyna käsıbi tūrǧyda järdemdesedı.
Jalpy «Samǧau Senım» ortalyǧy 2019 jyldan bastap jūmys ısteude. Osy uaqyt aralyǧynda 579 adamǧa pana bolyp, äleumettık kömekter körsetılgen. Al jyl basynan berı 311 adam qyzmet alǧan.
Kezdesu barysynda qyzmet aluşylar tarapynan aitylǧan ötınış-ūsynystar basqarma basşylyǧymen baqylauǧa alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz