Qalamyzdaǵy epıdjaǵdaı kezinde Shymkent qalalyq №6 emhananyń ınfekıonıst-dárigeri Temirálıeva Dınara Dáýrenqyzy indetke qarsy kúreste táýlik boıy kóz ilmeı jumys istegen mamandardyń biri. Medıına salasynda 30 jyldan beri eńbek etip kele jatqan dárigerdiń bilimi men biligine kóńili tolyp, rızashylyǵy men alǵysyn jaýdyratyn turǵyndar kóp.
Joǵary sanatty ınfekıonıst Dınara Temirálıeva 1993 jyly elınograd medıınalyq ınstıtýtyn támamdaǵan. Joǵary oqý ornyn úzdik bitirgen mamandy Shymkenttegi burynǵy Turlan ekspedıııasy atalǵan eldimekendegi SVA №3 mekemesine ınternatýrasyz birden jumysqa qabyldaıdy. 1993 jyly otbasylyq-dárigerlik ambýlatorııada otbasylyq dáriger, 2003 jyly qalalyq juqpaly aýrýlar aýrýhanasynda ınfekıonıst bolyp jumys istegen. 2012 jyldan qazirgi kúnge deıin qalalyq №6 emhanada dáriger-ınfekıonıst bolyp eńbek etip keledi.
Dınara Dáýrenqyzy qaýip pen qaterge toly juqpaly aýrýlardy emdeý salasynda balalar men eresekterdi emdeýde janqııarlyqpen kásibı mindetin adal atqaryp júrgen dáriger. Ótken jyly indet órshigen tusta ózi vırýsty juqtyryp, derti meńdegenine qaramastan jumysyn bir sátte te toqtatpady.
– Sol ýaqyttary epıdemıologııalyq jaǵdaıǵa baılanysty emhanada qosymsha bir bólim ashylyp, oǵan 8 aımaq qarady. Onyń árqaısysynda 1600-den astam turǵyn boldy. Eki dáriger ǵana jumys istedik. Bir otbasydan 3-4 adam kovıdke shaldyǵyp jatty. Árıne, qıyn ýaqyttar artta qaldy. Degenmen, Kovıd-19-ben kúreste áli de qalalyqtar jaýapkershilikti sezinse, - deıdi D.Dáýrenqyzy.
Antyna adal, tabandy eńbekqorlyǵy, óz isine jaýapkershiligi mol aq halatty abzal jan kóptegen alǵys hattardyń ıegeri.
