Orta Azııalaǵy elektr qýaty eń qymbat el - Qazaqstan

1976
Adyrna.kz Telegram

Energetıka sektoryn zertteýge arnalǵan Cable.co.uk brıtan portaly álemniń 230 elindegi elektr qýatynyń baǵasyn salystyrdy, dep habarlady turkystan.kz.

Portal málimetinshe, Ózbekstanda 1 kılovatt-saǵat elektr qýaty 0,027 dollar nemese 295 sým turady. Ózbekstan reıtıngte 7-oryn aldy.

Zertteýlerge sáıkes, Ortalyq Azııa elderinde eń arzan elektr qýaty Qyrǵyzstanda satylady. Bul elde 1 kılovatt-saǵat elektr qýaty 0,017 dollar turady. Qyrǵyzstan reıtıngte tórtinshi orynda tur. Altynshy orynǵa Tájikstan ornalasty. Mundaǵy baǵa – 0,023 dollar.

Qazaqstan 16-orynda tur. Respýblıkada 1 kılovatt-saǵat elektr qýaty 0,039 dollardan satylady.

Elektr qýaty arzan úsh memleket Afrıkada ornalasqan – Lıvııa (0,007 dollar), Angola (0,013 dollar) jáne Sýdan (0,014 dollar).

Solomon Araldarynda (0,692 dollar), Áýlıe Elena aralynda (0,612 dollara) jáne Vanýatýda (0,591 dollar) elektr qýaty qymbat ekeni anyqtaldy.

“Adyrna” ulttyq portaly

Pikirler