Şymkentte 31 jastaǧy er adam polisiia departamentınde bolǧan tergeu kezınde qaitys boldy dep habarlaidy "Adyrna" ūlttyq portaly "Ratel.kz"-ke sılteme jasap.
Departament taratqan resmi mälımdemede marqūmnyŋ kölık ūrlyǧyna qatysty ūstalǧany jäne tergeuge alynǧany aitylǧan. Odan jauap alu kezınde er adam özın naşar sezınıp, artynşa esın joǧaltyp alypty."Dereu jedel järdem şaqyryldy, alaida, därıgerler kelgenşe ol qaitys bolyp kettı. Ölımnıŋ naqty neden bolǧany anyqtalyp jatyr", - deidı poliseiler.
Al marqūmnyŋ tuystary bolsa poliseiler tarapynan qysym bolǧanyna senımdı. Qaitys bolǧan jıgıt – Qostanai qalasynyŋ tūrǧyny Nūrbolat Jūmabaev, 1990 jyly tuǧan. Ol būǧan deiın ūrlyq üşın sottalyp, jazasyn ötegen eken. Bır jyl būryn türmeden şyǧyp, üilenuge şeşım qabyldaǧan. Süiıktısı Şymkentte tūrǧandyqtan, juyrda osy qalaǧa kelıptı."7 jeltoqsanda onymen telefon arqyly söilestım. Jaǧdaiy jaqsy ekenın aitty. Al, 8 jeltoqsanda maǧan Şymkenttegı dostarym habarlasyp, Nūrbolat pen janyndaǧy serıgın polisiia ūstap äketkenın habarlady. Artynşa, polisiiadan habarlasyp, mäiıttı alyp ketıŋder dedı. Dostarym dereu advokat jaldady, ol Polisiia departamentıne baryp, Nūrbolattyŋ denesınde soqqy ızderı baryn habarlady. Qazır Şymkentke özım bara jatyrmyn, bauyrymnyŋ denesın öz közımmen köruım kerek. Ol būǧan deiın eşqaşan jürek auruyna şaǧymdanǧan emes, şaŋǧy sportymen ainalysqan. Densaulyǧy jaqsy edı. poliseiler aitqandai, jürek auruynan qaitys boluy mümkın emes", - deidı marqūmnyŋ bauyry Janbolat. Atalǧan ıspen qazır Şymkent qalalyq polisiia departamentı özındık qauıpsızdık basqarmasynyŋ mamandary ainalysyp jatyr.
"Adyrna" ūlttyq portaly
