"Juldyzdy gıd -- 2018"

2918
Adyrna.kz Telegram

2018 jylǵy 21 aqpanda Qazaqstan Respýblıkasy Ulttyq mýzeıinde Dúnıejúzilik ekskýrsııa júrgizýshilerdiń kúnine oraı «Juldyzdy gıd» shoý-jobasy ótti.

Sharanyń ashylý saltanatynda sóz alǵan  Ulttyq mýzeı dırektorynyń mindetin atqarýshy Leonıd Kochetov «Ulttyq mýzeı búgingi kúni elimizdiń tamyry tereńde jatqan tarıhy men mádenıetin qalyń qaýymǵa pash etetin iri mádenı oshaqqa aınaldy. Esigin ashqan kúnnen-aq ulttyq tarıh pen ulttyq qundylyqtardy nasıhattap, keleshek urpaqqa jetkizýde mańyzdy qyzmet atqaryp keledi. Búgingi joba da sonyń aıqyn dáleli. Úshinshi ret uıymdastyrylyp otyrǵan «Juldyzdy gıd» jobasynyń basty maqsaty – kópshiliktiń nazaryn myńdaǵan jyldyq tarıhymyz ben mádenıetimizge aýdarý. Bul is-sharanyń búgin – Dúnıejúzilik ekskýrsııa júrgizýshiler kúni merekesin oraı ótkizilip otyrǵany da kezdeısoq emes» – dep, jobanyń mańyzdylyǵyna toqtalyp ótti.

«Juldyzdy gıd» jobasyna QR eńbek sińirgen qaıratkerleri – Aıgúl Imanbaeva, Aıgúl Qosanova, Ardaq Balajanova, Jeńis Ysqaqova, ánshi Dos, teatr jáne kıno ártisteri – Dáýren Serǵazın men Nurken Óteýilov qatysty.

№1 Altyn zalyn – Aıgúl Imanbaeva, №2 Altyn zalyn – Aıgúl Qosanova, Ejelgi jáne orta ǵasyrlar tarıhı zalyn –  Ardaq Balajanova, Astana zalyn – Jeńis Ysqaqova, Etnografııa zalyn – Nurken Óteýilovty jáne Táýelsiz Qazaqstan zalyn – ánshi Dos kelýshilerge tanystyryp, qyzyqty ekskýrsııa júrgizdi.

Joba barysynda qatysýshylar mýzeıge kelýshilerdi elimizdiń tarıhy, mádenıeti jáne dástúrimen tanystyrdy, al kelýshiler tanymal óner qaıratkerlerin jańa qyrynan kórýge múmkindik aldy.

«Juldyzdy gıd» jobasy jyl saıyn 21 aqpanda atalyp ótiletin Dúnıejúzilik ekskýrsııa júrgizýshiler kúnine oraılastyrylǵan. Ekskýrsııa júrgizýshilerdiń kásiptik merekesi álemniń túkpir-túkpirinde atalyp ótiledi, ásirese iri qalalar – týrıstik ortalyqtarda atalǵan mereke óte tanymal. Ózderiniń kásiptik merekesin alǵash ret 1990 jyly London qalasynyń ekskýrsııa júrgizýshileri atap ótken bolatyn. Bul kúndi atap ótý bastamasyn Ekskýrsııa júrgizýshiler assoıaııalarynyń halyqaralyq federaııasy usynǵan.

«Juldyzdy gıd» shoý-jobasy Ulttyq mýzeıde bıyl úshinshi ret ótkizildi. Osyǵan deıin jobaǵa Altynaı Jorabaeva, Qaraqat Ábildına, Marjan Arapbaeva, Qalqaman Sarın, Ádil Ahmetov qatarly óner maıtalmandary qatysqan bolatyn.


nationalmuseum.kz

Pikirler