Shymkenttegi 39 emhanada 205 mobıldi brıgada jumys isteýde

750
Adyrna.kz Telegram
Shymkent qalasyndaǵy memlekettik jáne jekemenshik emhana janynan qurylǵan mobıldi brıgadalar kúnine myńnan asa shaqyrtýǵa barady. Epıdemıologııalyq jaǵdaıdyń kúrdelenýine baılanysty ambýlatorııalyq kómek kórsetetin brıgada mamandaryna túsetin shaqyrtýlar sany artyp otyr. Bul týraly Shymkent qalalyq densaýlyq saqtaý basqarmasynyń basshysy Baqytjan Pozılov málimdedi.
Basqarma basshysy qala ákimdiginiń Instagram paraqshasynda ótken tikeleı efırde atqarylǵan jumystardy qorytyndylap, turǵyndar saýalyna jaýap berdi.
Basqarma basshysynyń aıtýynsha, qazirgi tańda 39 memlekettik jáne jekemenshik emhanada 205 mobıldi brıgada jumys isteýde. Atalǵan brıgada qyzmetkerleri Covid-19, pnevmonııaǵa shaldyqqan, jiti respıratorlyq aýrýdyń belgileri bar paıentterge úıde ambýlatorııalyq-emhanalyq kómek kórsetip, kovıdke kúdikti paıentterden jedel jáne PTR-testileý alady.
- Qazirgi tańda 4 313 naýqas emdelip jatyr, onyń ishinde 2 551 naýqas úı jaǵdaıynda ambýlatorlyq em qabyldaýda. Osy ambýlatorııalyq em qabyldap jatqandarǵa mobıldi brıgada qyzmetkerleri kómek kórsetýde. Qalada jyl basynan beri koronavırýs juqtyrǵan 13 521 naýqas anyqtalǵan. Ókinishke qaraı, 248 naýqas qaıtys bolǵan. Sońǵy bir aıda kóz jumǵandardyń sany kúrt kóbeıgen. Infekııalyq staıonarda koronavırýske shaldyqqan 121 júkti áıel emdelýde. Qaýipti ınfekııa juqtyrǵan 6 júkti áıeldiń jaǵdaıy aýyr, -dedi B. Pozılov.
Aıta keteıik, ótken táýlikte COVID-19 ınfekııasyn juqtyrýdyń 418 jaǵdaıy tirkeldi. Qazir ınfekııalyq staıonarlardaǵy jansaqtaý bóliminde 171 naýqas emdelýde. Tósek-oryn tolymdylyǵy 64% quraıdy.
Basqarma basshysy tikeleı efır barysynda turǵyndardyń saýalyna jaýap berdi.

"Adyrna" ulttyq portaly.

Pikirler