Zeınetaqy jınaǵynyń jetkilikti shegi ózgere me? - Mınıstrlik jaýap berdi

2468
Adyrna.kz Telegram

Eńbek jáne halyqty áleýmettik qorǵaý mınıstrligi zeınetaqy jınaǵynyń jetkiliktilik shegine qatysty eshqandaı ózgerister engizbegenin málimdedi, dep habarlaıdy "Adyrna" ulttyq portaly. 

Vedomstvo málimetinshe, barlyq esep aıyrysýlardy Biryńǵaı jınaqtaýshy zeınetaqy qory júrgizdi.

- Qazaqstan Respýblıkasynda zeınetaqymen qamsyzdandyrý týraly" Zańǵa sáıkes jetkiliktilik shegi – belgili bir jastaǵy salymshy úshin zeınetaqy jınaqtarynyń eń tómengi qajetti somasy, ol BJZQ-ǵa turaqty 10% jarnalardy eskere otyryp, bolashaqta ony eń tómengi zeınetaqy mólsherinen tómen emes mólsherde zeınetaqy tólemderimen qamtamasyz etýge múmkindik beredi. Joǵaryda atalǵan kórsetkishterdiń kez kelgenin ózgertý avtomatty túrde jetkiliktilik shegin qaıta esepteýge alyp keletinin atap ótý qajet. Osyǵan baılanysty Eńbekmıni ádisteme bekitilgenge deıin jetkiliktilik shegi jyl saıyn qaıta esepteletini týraly birneshe ret (2020 jylǵy qyrkúıekten jeltoqsanǵa deıingi kezeńde) habarlady, - delingen mınıstrlik taratqan habarlamada.

Vedomstvo sondaı-aq zańǵa sáıkes zeınetaqy júıesiniń jınaqtaýshy segmentinde saıasatty iske asyrýdy, onyń ishinde joǵaryda kórsetilgen ádisteme negizinde jetkiliktilik shegin esepteýdi biryńǵaı operator BJZQ atynan júzege asyratynyn, zań júzinde BJZQ-nyń óz qyzmeti týraly konsýltatıvtik jáne túsindirý jumystaryn júzege asyrý mindeti tikeleı kózdelgenin atap ótti.

Esterińizge sala keteıik, 2022 jyly birjolǵy zeınetaqy tólemin alýdyń jetkiliktilik shegi 1,8 ese kóteriledi dep habarlanǵan bolatyn. Alaıda Eńbek mınıstrligi men BJZQ-nyń mundaı jaýabyna kóptegen qazaqstandyqtyń kóńili tolmaı, narazylyqtaryn bildirdi. 

"Adyrna" ulttyq portaly

Pikirler