El Prezıdenti Qasym-Jomart Toqaev «Qazaqstan jańa shyndyqta: is-qımyl ýaqyty» atty Qazaqstan halqyna Joldaýynda buqaralyq sportty damytýdyń mańyzdylyǵyn atap ótken bolatyn. Bul baǵytta Shymkent qalasynda júıeli jumystar qolǵa alynyp, 2021 jyldyń alǵashqy jartyjyldyǵynyń qorytyndysy boıynsha dene shynyqtyrýmen jáne buqaralyq sportpen qamtylǵan azamattar sany 340 myńnan asty. Bul qala turǵyndarynyń jalpy sanynyń 31,2 paıyzyn quraıdy.
Turǵyndardyń sportpen shuǵyldanýyna múmkindik jasaý maqsatynda qala ortalyǵynan shalǵaıda jatqan shaǵyn aýdandar men turǵyn alaptarda 115 ámbebap sport alańshalary ashyldy. Kóp qabatty turǵyn úıler boıynsha 101 aýla jańartylyp, dene shynyqtyrý, sporttyq oıyndar ótkizetin oryndar retinde jasaqtaldy.
Buqaralyq sportty damytýdyń bir baǵyty mektep jáne oqýshylar lıgasyn ótkizý arqyly damıtyn mektep jáne stýdentter sporty. Buqaralyq sporttyń bul baǵyty jas urpaqtyń densaýlyǵyn qamtamasyz etip qana qoımaı, sýııdtik qubylystar, nashaqorlyq jáne jasóspirimder arasyndaǵy quqyq buzýshylyq sııaqty kóptegen áleýmettik máselelerdi sheshedi.
Osy maqsatta qalada «Jastar lıgasy» sport oıyndary ótkizilip, oǵan ár shaǵyn aýdan men turǵyn alaptar jastary sanatynan 536 komanda qatysyp, sporttyń tórt túrinen saıystar ótkizildi.
Jalpy, bıyldyń ózinde sport úıirmelerine qosymsha 4 myńnan astam balany qamtyp, qalada sporttyq qozǵalystardyń damýyna múmkindikter qarastyrylǵan.
"Adyrna" ulttyq portaly.
