Nur-Sultanda ulandyqtar kópirden sekirmek bolǵan jigitti qutqardy. Bul týraly Ishki ister mınıstrliginiń baspasóz qyzmeti jazdy, dep habarlaıdy «Adyrna» tilshisi.
Oqıǵa 3 jeltoqsan kúni keshki saǵat 21.30 shamasynda oryn aldy. Patrýldik-bekettik qyzmet atqarý barysynda Ulttyq ulan 5573 áskerı bóliminiń áskerı qyzmetshileri óz erkimen ómirimen qoshtasqysy kelgen jigittiń áreketine tosqaýyl qoıdy. Er jigit Esil ózenindegi kópirden sekirgisi kelgen.
Qoǵamdyq tártipti qamtamasyz etý boıynsha qyzmet atqarý barysynda áskerı jasaq bastyǵy qatardaǵy Hákimjan Sarbasov jáne patrýlshiler Maksım Rıýmına jáne Roland Arapıevpen birge ózen boıyn jaǵalap kele jatyp, Saryarqa kóshesindegi kópirden “Ómir súrgim kelmeıdi, ólgim keledi” degen jigittiń daýysyn estıdi.
– Kópirden sekirgisi kelgen jigitti kórip, biz dereý oǵan qaraı asyqtyq. Er azamat “Radisson” qonaq úıiniń qasyndaǵy kópirde turdy. Osy ýaqytta ol qorshaýdyń arǵy jaǵyna ótip úlgerdi. Jas jigit kópirden sekirip, sýııd jasaǵysy keldi, – deıdi ulandyq jaýynger Hákimjan Sarbasov.
Áskerı qyzmetshiler azamatpen sóılesip, ony bul oıynan bas tartýǵa shaqyrdy. Osy sátte ótip bara jatqan basqa da turǵyndar azamattyń oqys qylyq jasamaýyn ótindi. Keıin utymdy sátti paıdalana otyryp, áskerıler men azamattar qyl ústinde turǵan jigitti kópirdiń arǵy jaǵynan alyp shyqty. Budan soń ony jubatyp, áskerı jasaqtar boıynsha kezekshige tapsyrdy.
2003 jylǵy azamat ári qaraı mán-jaıdy anyqtaý úshin Saryarqa aýdanynyń polıııa basqarmasyna jetkizildi.
