Sonymen aldaǵy ýaqytta 1961 jyldyń ekinshi jartysynda dúnıege kelgen áıelder zeınetaqy tólemderin taǵaıyndaýǵa 2021 jyldyń sońyna deıin ótinish jasaýǵa tıis. 2013 jyly qabyldanǵan "Qazaqstanda zeınetaqymen qamsyzdandyrý týraly" Zańnyń 11-babynda áıelderdiń zeınetkerlik jasy jyl saıyn 6 aıǵa 10 jyl boıy 2027 jylǵa deıin artady dep jazylǵan.
2021 jyly áıelderdiń zeınetke shyǵý jasy 60 jas bolǵan. Endi keler jyly 1 qańtardan bastap zeınetke shyǵý jasy 60 jas alty aı bolady.
Baspasóz qyzmeti málimetine súıensek, 2021 jyldyń ekinshi jartysynda 60 jasqa tolǵan qazaqstandyqtar jyl sońyna deıin ótinish berip úlgermeıdi, kelesi jyly olarǵa jarty jyl kútýge týra keledi jáne 2022 jyldyń shildesinen keıin ǵana zeınetke shyǵa alady.
Eńbek mınıstrligi ótinish berilgen kúnnen bastap 10 jumys kúni ishinde qaralatynyn eskertti.
