Qytaıdyń Shanhaı qalasyndaǵy "Pantuo Aviation" kompanııasy jyldamdyǵy joǵary, ushatyn taksıdi, ıaǵnı "PANTALA Concept H" jobasyn jurtshylyq nazaryna usyndy dep habarlaıdy "Adyrna" ulttyq portaly "newatlas.com" saıtyna silteme jasap.
"Pantuo Aviation" kompanııasy "PANTALA Concept H" ushatyn avtokólik qurastyrǵan. Saǵatyna 300 shaqyrym jyldamdyqpen qozǵalatyn, bir ushqanda 250 shaqyrymǵa deıin jerge qonbaıtyn bul model tolyq elektrmen jumys isteıdi. Kabınasy 5 adamǵa shaqtalǵan ushatyn avtokólik lıtııa ıondy batareıany paıdalanady, ashyq propellerdiń ornyna elektrmen jumys isteıtin 22 arnaly jeldetkishpen jabdyqtalǵan.
Atalmysh joba 2027 jyly paıdalanýǵa berilmek. "PANTALA Concept H" jobasy elektr qýatymen ushatyn, tiginen jáne kóldeneńinen ushyp-qona alatyn ári áýede bir ornynda qalyqtap tura alatyn "eVTOL" shaǵyn ushaǵyna uqsas. Bul tehnologııa elektrmen jumys isteıtin qozǵaltqyshtyń arqasynda paıda boldy.
"Adyrna" ulttyq portaly.
