«Qazposhtanyń» eki qyzmetkeri 40 mln teńge jymqyrǵan

2705
Adyrna.kz Telegram

BQO-da «Qazposhtanyń» eki qyzmetkeri kásipkerlerdiń zeınetaqysy men aqshasyn úptep ketti, dep habarlaıdy «Adyrna» ulttyq portaly «Moı gorod» saıtyna silteme jasap.

Búginde jalpy mólsheri 40 mln teńgeni qoldy qylǵan «Qazposhtanyń» eki áıel  qyzmetkeri ustalyp, ýaqytsha ustaý abaqtysyna qamaýǵa alyndy.

BQO boıynsha Ekonomıkalyq tergeý departamenti «Qazposhta» bólimsheleriniń biriniń eki qyzmetkeri kompanııanyń shotyna odan ári aýdarý úshin JShS ókili bergen aqshanyń bir bóligin zańsyz ıemdengenin habarlady. Keltirilgen shyǵyn kólemi 33 mıllıon teńgeden asqan.

Sondaı-aq, áıelder alaıaqtyq jolmen zeınetkerlerdiń senimine qııanat jasap, 7 mıllıon teńgeden astam aqshany ıemdengen.

«Áıelderge qatysty QR Qylmystyq kodeksiniń 189-baby «Senip tapsyrylǵan bótenniń múlkin ıemdený» boıynsha sotqa deıingi tergeý bastaldy. Kúdiktiler BQO-nyń eki turǵyny, olar ustalyp, ýaqytsha ustaý abaqtysyna qamaldy»- dep habarlady BQO ekonomıkalyq tergeý departamenti.

Tergeý múddesi úshin basqa málimetter jarııalanbaıdy.

Bıylǵy jyldyń naýryz aıynda «Qazposhta» AQ Batys Qazaqstan oblystyq fılıalynda júrgizilgen ishki aýdıt barysynda klıentterdiń esepshottarymen zańsyz áreketter jasaý faktisi anyqtaldy. Artynsha «Qazposhta» esepshottaryndaǵy aqshalaryn tappaı qalǵan  klıentterge óz qarajaty esebinen 2,2 mıllıon teńgeni ótep bergen.

 

«Adyrna» ulttyq portaly.

 

Pikirler