Almatyda Aıajan Edilovany aıýandyqpen óltirdi dep aıyptalyp otyrǵan 28 jastaǵy túrkistandyq ózine taǵylǵan aıyptarmen ishinara kelispeı otyr, dep habarlaıdy «Adyrna» tilshisi «Astana» arnasyna silteme jasap.
Keshe atyshýly iske qatysty ekinshi sot otyrysy ótti. Proesste aıyptalýshy órimdeı qyzdy óltirgenin moıyndaǵan. Biraq zorlyq kórsetkenin teriske shyǵaryp álek.
Osy kóktemde is-túzsiz joǵalyp, keıin bólshektelgen denesi tabylǵan Aıajannyń oqıǵasy estigen eldiń jaǵasyn ustatqan edi. Jantúrshigerlik qylmysqa qatysty búgin ekinshi sot otyrysy ótti. Zorlaý deregi bolǵandyqtan proess jabyq rejımde, onlaın formatta boldy. Bes kýágerden jaýap alyndy. Olar marqumnyń eki týysy men tanystary.
Jábirlenýshi taraptyń zańdy ókiliniń aıtýynsha, aıyptalýshy kinásin tolyq moıyndamaǵan.
«Sottalýshy Tórebekov adam óltirgenin moıyndap, zorlaǵanyn joqqa shyǵaryp otyr. Endi qyzdyń zorlanǵanyn dáleldeý úshin jumys isteımiz», - deıdi jábirlenýshi taraptyń zańdy ókili Qadyrjan Ǵalymjanuly.
Jábirlenýshiler qylmys jasaǵan adamdy ómir boıyna bas bostandyǵynan aıyrý qajet degen pikirde. Onyń aıybyn dáleldeý úshin barlyq dáıekti usynamyz deıdi.
Atyshýly is 30 tomnan turady. Proesti sýdıa Erkin Maıshynov qaraýda.
Esterińizge salsaq, qandy qylmys bıyl naýryz aıynda boldy. Jumystan shyǵyp, is-túzsiz joǵalǵan Aıajannyń denesi Nurkent yqshamaýdanyndaǵy páterden tabylǵan edi.
Aıyptalýshy 28 jastaǵy Túrkistan oblysynyń týmasy. Buryn-sońdy sottalmaǵan. Onyń mundaı qadamǵa ne úshin barǵany ázirge belgisiz. Kelesi sot otyrysy 9 jeltoqsanǵa ótedi.
«Adyrna» ulttyq portaly
