Jýyrda KSRO halyq ártisi jáne halyq qaharmany Roza Baǵlanovanyń ómiri týraly syr shertetin telehıkaıa kórermenge jol tartady dep habarlaıdy "Adyrna" ulttyq portaly.
— 2022 jyly 1 qańtarda aty ańyzǵa aınalǵan KSRO halyq ártisi jáne halyq qaharmany Roza Baǵlanovanyń týǵanyna 100 jyl tolady. Osy oraıda "Habar" arnasy ánshiniń ónegeli ómiriniń jarqyn sátteri men qıly kezeńderin baıandaıtyn "Bulbul" telehıkaıasyn kórermen nazaryna usynady", – delingen "Habar" arnasynyń habarlamasynda.
Telehıkaıada bulbul úndi ánshiniń shyǵarmashylyq ómiri ǵana emes, azamattyq ustanymy bar qaıratkerlik qyryna da mán berilgen. Roza Tájibaıqyzynyń qıyn balalyq shaǵy, otbasylyq ómiri, Tashkent toqyma ınstıtýtynda oqýy jáne maıdan dalasynda óner kórsetýi telehıkaıa barysynda tizbektele túsedi.
Aıta ketý kerek, bıyl Mádenıet jáne sport mınıstri Aqtoty Raıymulova 2022 jyly áıgili ánshi Roza Baǵlanovanyń 100 jyldyq mereıtoıyn daıyndaý jáne ótkizý úshin jalpyrespýblıkalyq jospar engizilgenin habarlaǵan bolatyn.
"Adyrna" ulttyq portaly.
