Iran men Aýǵanstan shekarasynda ırandyq armııa men "Talıban" radıkaldy qozǵalysynyń sodyrlary arasynda qaqtyǵys boldy. "Tasnim" aqparat agenttiginiń jazýynsha, buǵan talıbterdiń is júzinde shekaranyń qaı jerde ekenin bilmeýi sebep bolǵan dep habarlaıdy "Adyrna" ulttyq portaly.
Birneshe jyl buryn Irannyń Sıstan jáne Belýdjıstan provınııalarynda Aýǵanstan shekarasynan birneshe júz metr jerde kontrabandashylarmen kúresý úshin qabyrǵalar turǵyzylǵan. Iran sharýalary Islam respýblıkasynyń terrıtorııasynda qalyp, osy qabyrǵalardan ótken. Alaıda bıyl tamyz aıynda Aýǵanstanda bılikti basyp alǵan tálibter sharýalardy Aýǵanstannyń Nımroz provınııasynyń Kang aýdanynda dep oılap, olarǵa oq jaýdyrǵan.
Iran armııasy jaýap retinde atys qarýy men D-30 gaýbıasymen atqylaǵan. Óz kezeginde "Talıban" qarý-jaraqtardy, atap aıtqanda Aýǵanstannan sheteldik áskerler shyǵarylǵannan keıin alǵan "Hamvı" brondy mashınalaryn paıdalanǵan.
Jelide eki jaqtyń atystarynyń vıdeosy paıda boldy. Aýǵanstandyq BAQ "Talıban" sodyrlary qaqtyǵys kezinde Iran shekarasyndaǵy eki baqylaý-ótkizý beketin basyp alǵanyn habarlady. Alaıda ırandyq BAQ bul aqparatty joqqa shyǵardy.
Anyqtalǵandaı, atys birneshe saǵatqa sozylǵan. Iran shekarashylary men "Talıban" qozǵalysynyń kelissózderiniń nátıjesinde soǵys qımyldaryn toqtatýǵa múmkindik týdy. "Talıban" qozǵalysynyń málimetinshe, eki jaqtan da eshkim ólmegen nemese jaralanbaǵan.
"Adyrna" ulttyq portaly.
