Reseı ǵalymdary mamonttardy tiriltpek

2911
Adyrna.kz Telegram

Iakýtııada qurylǵan Dúnıejúzilik mamont ortalyǵy ejelgi janýarlardy tiriltetin bolady. Bul týraly  tabıǵı jáne mádenı murany qoldaý jáne saqtaý jónindegi "Mamont effektisi" qorynyń prezıdenti Ekaterına Kýzmına málimdedi dep habarlaıdy "Adyrna" ulttyq portaly "Lente.ru" saıtyna silteme jasap.

Reseı Prezıdenti Vladımır Pýtınniń Jarlyǵymen ortalyq 2035 jylǵa deıingi Arktıkalyq aımaqty damytý jáne ulttyq qaýipsizdikti qamtamasyz etý strategııasyna engizilgen. Ortalyqta ǵylymı-zerthanalyq keshen, mamont faýnasynyń krıostorajy, murajaı-kórme kesheni, sondaı-aq "Muz dáýiri saıabaǵy" ǵylymı-zertteý alańy bolady.

Qor prezıdenti Ekaterına Kýzmınanyń aıtýynsha, mamandar "Mamont effektisi" qory, Reseı ǵylym akademııasynyń Sibir bólimshesi, Iakýtııa ǵylym akademııasy jáne  Artembryogen Engineering kompanııasynyń  "Skolkovo" rezıdenti arasyndaǵy kelisim boıynsha mamont DNQ-syn zerttemek.

Birinshi kezeńde ǵalymdar ósirýge jáne genetıkalyq materıal retinde paıdalanýǵa jaramdy ulpalardy alady, somatıkalyq jasýsha men enýkleaııalanǵan jumyrtqany biriktirý arqyly rekonstrýkııalanǵan klondyq embrıondy jasaıdy dep josparlanýda.  Ol úshin janýarlardyń uqsas túrleriniń jumyrtqalary qajet bolady. Osy maqsatta mamonttarǵa uqsas pilder alynýy múmkin.

"Bul batyl, biraq oryndalatyn mindet", - dedi ol. Buǵan deıin amerıkalyq ǵalymdar Iakýtııada mamonttardy tiriltý jospary týraly aıtqan bolatyn.

Amerıka Qurama Shtattarynyń Colossal Biosciences kompanııasy Reseıde mamontty tiriltip, ósirgisi keldi. Eksperıment júrgizýge ataqty ǵalym Djordj Cherch taǵaıyndaldy.

Onyń aıtýynsha, joıylyp ketken janýarlardyń túrlerdiń qaıta tiriltý ormandardy qalpyna keltirýge, sondaı-aq arktıkalyq shabyndyqtardy jandandyrýǵa kómektesedi.

Amerıkalyqtar tórt-alty jyldan keıin eń birinshi janýardy alyp ketýdi josparlap otyr. Al Iakýt bıligi joıylǵan janýarlardyń klondaryn jergilikti Pleıstoen saıabaǵyna ornalastyrýdy kózdeıdi.

 

"Adyrna" ulttyq portaly

Pikirler